पुणे,दि.१६:- पुणे महापालिकेचे आयुक्त विक्रम कुमार यांची बदली करण्यात आली आहे. त्यांच्या जागी राजेंद्र भोसले यांची नियुक्ती करण्यात आली आहे.
पुणे महापालिकेचे 2024- 25 या वर्षासाठीचे बजेट सादर करण्यापूर्वी पालिका आयुक्त यांची बदली केली जाईल, असे सांगण्यात येत होते. मात्र, राज्यकर्त्यांशी जुळवून घेण्याची भूमिका विक्रम कुमार यांनी ठेवल्याने ही बदली लांबली होती. गेल्या आठवड्यात महापालिकेचे साडेअकरा हजार कोटींचे बजेटदेखील विक्रम कुमार यांनी सादर केले आहे.
* विक्रम कुमार (IAS:MH:2004) महापालिका आयुक्त, पुणे महानगरपालिका, पुणे यांची अतिरिक्त महानगर आयुक्त, MMRDA, मुंबई म्हणून नियुक्ती करण्यात आली आहे.
* डॉ. राजेंद्र भोसले (IAS:MH:2008) यांची महापालिका आयुक्त, पुणे महानगरपालिका, पुणे म्हणून नियुक्ती करण्यात आली आहे.
* लहू माळी (IAS:MH:2009) यांची संचालक, आपत्ती व्यवस्थापन, R&FD, मंत्रालय, मुंबई म्हणून नियुक्ती करण्यात आली आहे.
* कैलाश पगारे (IAS:MH:2010) व्यवस्थापकीय संचालक, M.S. कापूस उत्पादक विपणन महासंघ, मुंबई यांची एकात्मिक आदिवासी विकास योजना, नवी मुंबई या पदावर नियुक्ती करण्यात आली (Pune) आहे.