पुणे दि १३ : – पुणे परिसरातील वडगाव बुद्रूक येथे हॉस्पिटलसह अनेक वाहनांच्या तोडफोडीच्या घटनेनंतर परिसरात नागरिकांमध्ये प्रचंड खळबळ उडाली आहे. हातात कोयते आणि रॉड घेऊन परिसरातील चौदा वाहनांची तोडफोड करण्यात आली. तसेच एक दवाखाना देखील फोडण्यात आला. ही घटना शनिवारी रात्री एक वाजण्याच्या सुमारास घडली आहे. या पूर्वी देखील अशा प्रकारच्या अनेक घटना देखील घडल्या आहे. या घटनेमध्ये मारुती कंपनीच्या 2 स्विफ्ट, हुंदाई कंपनीची असेन्ट, सॅंन्ट्रो इत्यादी प्रकारच्या चौदा चारचाकी गाड्यांची तोडफोड करण्यात आली असून ,हा प्रकार वडगाव भाजी मंडई, शेवटचा बस स्टॉप, धबडी, भैरवनाथ मंदिर परिसरात रात्री 1च्या सुमारास घडला आहे.यावेळी सिंहगड पोलिसांनी या परिसरातील सीसीटीव्ही फुटेज चेक केल्यानंतर एका अॅक्टिव्हासारख्या गाडीवर तीन इसम हे हातात कोयता आणि रॉड घेऊन जाताना दिसत आहे. परंतु, अद्याप आरोपी कोण आहे हे समजू शकले नाही. या घटनेची माहिती मिळताच वरिष्ठ पोलिस अधिकाऱ्यांनी घटनास्थळी धाव घेतली आहे. पुढील तपास सिंहगड पोलिस करत आहे