पुणे दि ०७ : – गुन्हेगारांच्या सांगण्यावरून आपल्यावर गुन्हे दाखल केल्याचे सांगत बडतर्फ पोलिस हवालदार शैलेश जगताप याने पोलीस कोठडीत उपोषण सुरू केले आहे. गेले तीन दिवस त्यांनी जेवण घेतले नसल्याचे पोलिसांनी सांगितले. पुर्वीच्या मोक्क्याच्या गुन्हातील आरोपींकडून जिवितास धोका असल्याची न्यायालयात तक्रार दाखल केली.
आरोपींच्या वकिलांतर्फे युक्तिवाद करण्यात आला की, फिर्यादी सुमंत देठे याने विशाल ढोरे यांच्याविरुद्ध दिवानी स्वरूपाचा मांजरी ग्रीन, फेज ४, रो हाऊस नं. १२( ब) ह्या मिळकतीबाबत दाखल केलेल्या फिर्यादित (दि. १७/७/२०२०) फिर्यादिने हि बाब दिवाणी न्यायालयासमोर सादर केलेल्या शपथपत्रात लपवून ठेवली. सदरील शपथपत्रात आरोपीने फिर्यादीला बंदुकीचा धाक दाखवून मिळकती संदर्भात खोटी कागदपत्रे दिल्याचा उल्लेख नसलेली बाब कोर्टाच्या निदर्शनास आणून दिली. त्याचप्रमाणे फिर्यादी याने यापूर्वी पुणे पोलीस आयुक्त यांना दिलेल्या तक्रारी अर्जामध्ये देखील आरोपी शैलेश जगताप व इतर यांचा सहभाग असल्याबाबत कुठेही उल्लेख नसल्याचे देखील कोर्टाच्या निदर्शनास आणून दिले. त्याचप्रमाणे हडपसर पोलीस ठाणे येथे दाखल केलेली फिर्याद व त्याच मिळत संदर्भात दाखल केलेला दावा यामध्ये पूर्णता असलेली तफावत कोर्टाच्या निदर्शनास आणून दिल्यानंतर केसमधील फिर्यादीवर खोटी फिर्याद दिल्याबद्दल Perjury Notice दाखल करण्याची विनंती केली.
हा युक्तिवाद सुरू होण्यापूर्वी आरोपित शैलेश जगताप यांनी मा. कोर्टात एक अर्ज देऊन, यातील नमूद पुर्वीच्या मोक्क्यातील व्यक्तींपासून जीवित जीवितास धोका असल्याबाबत मा. कोर्टाला कळवले व खोट्या तक्रारीमुळे होणाऱ्या मानसिक व शारीरिक त्रासामुळे न्याय मिळेपर्यंत आमरण उपोषण करणार असल्याचे देखील सांगितले. त्यामुळे ह्या प्रकरणात आरोपीत जगताप यांच्या सख्या बंधूने म्हणजेच जितेंद्र जगताप यांनी वर नमूद केलेल्या व्यक्तींच्या त्रासाला कंटाळून आत्महत्या केल्याची पुनरावृत्ती होते की काय याची भीती त्यांना वाटू लागली आहे.