पुणे दि १९ :- पुणे परिसरातील मोबाईल टॉवर वरील ३ जी व ४ जी नेटवर्क कव्हरेज करणारे बेस बँड चोरणारे आरोपी गुन्हे शाखा युनिट -२ कडून जेरबंद दि १८ रोजी गुन्हे शाखा , युनिट -२ कडील पोलीस निरीक्षक महेंद्र जगताप , यांचे दिमतीत भारती विदयापीठ पोलीस ठाणे या गुन्हयाचा युनिट -२ कडुन समांतर तपास करत असताना पोलीस उप निरीक्षक ए .डी .पिंगळे यांना गोपनीय बातमीदारा मार्फत बातमी मिळाली की , मोबाईल टॉवर वरील स्पेअर पार्ट चोरी करणारे दोन इसम हे त्यांचेकडील दुचाकी घेऊन स्वारगेट एस . टी . स्टॅन्ड जवळील कॅनॉलचे शेजारुन जाणारे रोडवर थांबलेले आहेत . अशी खात्रीशिर बातमी मिळताच ते स्वतः पो.ना . भिलारे , पो.ना. गोरे , पो . शि. फरांदे , पो.शि. कादीर शेख असे त्यांना मिळालेल्या बातमीचे ठिकाणी जाऊन गुप्तपणे पहाणी करत अताना दोन इसम कॅनॉलचे शेजारुन जाणारे रोडवर दुचाकी वर थांबलेले दिसले . त्यांना ताब्यात घेऊन नाव पत्ता विचारता त्यांनी त्यांची नांवे १ ) सुफरान लतीब राज ऊर्फ बाबा वय ४० वर्षे रा . सय्यदनगर हडपसर पुणे . मुळ गाव घर नं . ६२ बी कासमनगर पोष्ट ऑफिसचे मागे कोर्ट नाका ऊरण जिल्हा रायगड २ ) महेश हनुमंत परिट , वय २४ वर्षे रा . चिंतामणी नगर हडपसर पुणे . मुळ गाव शिवाजी चौक सोलापुर कळमन ता . उत्तर सोलापुर जिल्हा सोलापुर . अशी असल्याचे सांगीतले . त्यांना ताब्यात घेऊन वरील दाखल गुन्हयाचे अनुषंगाने विचापुस केली असता त्यांनी मोबाईल टॉवर वरील बेस बँडची चोरी केल्याचे कबुल केले . त्यांचेकडे अधिक विचारपुस करता त्यांनी पुणे शहर , पुणे ग्रामिण व पिंपरी चिंचवड हद्दीतुन अशा प्रकारचे अनेक गुन्हे केल्याचे कबुल केले . त्यानी चोरी केलेल्या मोबाईल टॉवर वरील बेस बँड , रुस कार्ड व इतर साहीत्य भंगार विक्रेत्याला विकल्याचे सांगीतले . भंगार विक्रेता समीरउल्ला अजीमउल्ला शहा रा . सय्यदनगर हडपसर पुणे . याचेकडुन वेगवेगळ्या कंपण्यांचे मोबाईल टॉवर वरील ३ जी , ४ जी नेटवर्क कव्हरेज कंट्रोल करणारे ६ बेस बँड , ११ रुस कार्ड , २ टी.आर.एक्स . असा ६० लाख रु . चा माल तसेच गुन्हा करण्यासाठी आरोपीतांनी वापरलेल्या १,लाख १५,हजार रु . च्या २ दुचाकी गाडया असा सर्व मिळुन ६१लाख,१५,हजार रुपये किंमतीचा माल जप्त करण्यात आला आहे . भंगार दुकानदार याने चोरीचा माल खरेदी केल्यामुळे त्यास दाखल गुन्हयात अटक करण्यात आली आहे . अटक आरोपीतांकडुन आता पर्यंत भारती विदयापीठचे २ , चिखली , विमान नगर , लोणीकंद , शिक्रापुरचे २ , शिरुर , दौंड , लोणीकाळभोर , व वानवडी पोलीस स्टेशनचे हद्दीतील एकुण ११ गुन्हे उघडकीस आणले असुन आणखीन काही गुन्हे उघडकीस येण्याची शक्यता आहे . अटक आरोपीला दि २३रोजी पर्यंत पोलीस कस्टडीची रिमांड घेण्यात आली आहे . सदर कामगिरीसाठी पोलीस आयुक्त श्री अमीताभ गुप्ता. पोलीस सह आयुक्त रविंद्र शिसवे.अपर पोलीस आयुक्त अशोक मोराळे , पोलीस उप आयुक्त बच्चन सिंह , सहा . पोलीस आयुक्त सुरेंद्रनाथ देशमुख यांनी अभिनंदन केले आहे . सदरची कामगिरी पो.निरी . महेंद्र जगताप युनिट -२ गुन्हे शाखा पुणे शहर , पो उप नि आनंदराव पिंगळे , सहा . फौज . यशवंत आंब्रे , पो.हवा किशोर वग्गु , पो . ना . विशाल भिलारे , पो.ना. चेतन गोरे , पो.ना. चंद्रकांत महाजन , पो.शि. अजित फरांदे , पो.शि. निखील जाधव , पो.शि. कादीर शेख यांनी केली आहे .
मोबाईल टॉवरचे बेस बँड चोरणारे आरोपी पुणे शहर पोलिसांच्या जाळ्यात आरोपी कडून ६१लाख,१५ हजार रुपयांचा मुद्देमाल जप्त
Please login to join discussion