श्रीगोंदा दि.२४ :- श्रीगोंदा तालुक्यातील मढेवडगांव येथील रयतच्या न्यू इंग्लिश शाळेला आदित्य संतोष गायकवाड याने १४ व्या वाढदिवसाचा अनावश्यक खर्च टाळून ११,१११ रुपयांची मदत केली.आदित्य हा इयत्ता ८ वी कक्षेत सध्या शिकत असून, त्याच्या वाढदिवसाचे औचित्य साधून त्याने शाळेस मदत दिली.त्यानंतर शाळेच्या वतीने आदित्यला शुभेच्छा दिल्या.या अगोदर देखील आदित्यचे चुलते दिनेश(अंबादास) नारायण गायकवाड यांनी देखील शाळेच्या चालू असलेल्या नवीन इमारत उभारण्यासाठी १,११,१११रु.शाळेसाठी देणगी दिली.तसेच आदित्यचे वडील संतोष गायकवाड यांनीही वाढदिवसाचा अनावश्यक खर्च टाळून ११,१११रुपये रोख स्वरूपात दिले होते. आजकाल समाजामध्ये तरुण ज्या पद्धतीने डीजे लावून, फटाके वाजवून वायफळ खर्च करतात. मात्र, आदित्यने हा वायफळ खर्च न करता आदित्यने पाडलेला हा वाढदिवसाचा पायंडा अतिशय समर्पक आणि समाजपयोगी असून तरुणांसमोर एक आदर्श निर्माण करणारा आहे. दरम्यान, या तरुणाचे सोशल मीडियावरून तसेच गांवातील ग्रामस्थ व श्रीगोंदा तालुक्यातील नागरिक कौतुक करत आहे.शाळेला येणाऱ्या अडचणी दूर करण्यासाठी नेहमी प्रयत्न करणार आहे, असे दिनेश (अंबादास) गायकवाड यांनी सांगितले. शाळेत सध्या नवीन इमारतीच्या वर्ग खोल्याचे काम चालू असुन शाळेसाठी नागरीकांनी मदत करण्याचे आवाहन देखील गायकवाड यांनी यावेळी केले. यावेळी शाळेचे मुख्याध्यापक भारत हिंगसे,प्रभारी पर्यवेक्षक संजय पानसरे,रामदास पवार, राजेंद्र शेळके,विद्या संतोष गायकवाड,थोर देणगीदार रविंद्रराव महाडीक, विक्रमसिंह महाडीक,खंडेश्वर झिटे तसेच शाळेतील सर्व शिक्षक कर्मचारी उपस्थित होते.
श्रीगोंदा प्रतिनिधी :-विजय कुंडलिक मांडे