पुणे शहरात गॅस एजन्सी व्यवसायिकाला ब्लॅकमेलिंग करणाऱ्या 3 पत्रकार पुणे शहर पोलिसांच्या जाळ्यात

पुणे, दि.२८ :- पुणे शहरातील एका गॅस एजन्सी व्यवस्थापकाला ब्लॅकमेलींग करुन खंडणी उकळणाऱ्या तीन पत्रकारांना पुणे शहर पोलिसांच्या गुन्हे शाखेच्या खंडणी विरोधी पथक 2 ने सापळा रचून अटक केली.या कारवाईमुळे पुणे शहरात एकच खळबळ उडाली आहे. अटक करण्यात आलेल्या पत्रकारांमध्ये सम्यक संपादक पत्रकार संघाच्या महाराष्ट्र अध्यक्षाचा समावेश आहे. ही कारवाई शुक्रवारी (दि.27)पुणे येथील मार्केटयार्ड येथील जी.एस. टॉवर जवळ करण्यात आली.
सम्यक संपादक पत्रकार संघाचा अध्यक्ष सुहास मारुती बनसोडे (वय-40 रा. अॅरस्टोक्रेट सोसायटी,सी बिल्डिंग, फ्लॅट नं. 1, सपना पावभाजी हॉटेल जवळ, कोंढवा बुद्रुक), मोईन लाडलेसाहेब चौधरी
(वय-45 रा. शेलार चाळ, इराणी मार्केटच्या मागे, येरवडा), वसिम अकबर शेख (वय-22 रा. लक्ष्मीनगर, उर्दु स्कूलच्या मागे, येरवडा) असे अटक करण्यात आलेल्या आरोपींची नावे आहेत.याप्रकरणी योगेश नवनाथ शिंदे (वय-31 रा. उरळी देवाची पोलीस चौकी मागे, सासवड रोड, उरळी देवाची) यांनी पुणे शहर खंडणी विरोधी पथक 2 कडे तक्रार केली होती व.पुणे शहर पोलिसांनी दिलेल्या माहितीनुसार, तक्रारदार हे येरवडा येथील एका गॅस एजन्सीमध्ये व्यवस्थापक म्हणून आहेत. गॅस एजन्सीमधील सिलिंडरच्या टाक्या ग्राहकांना घरपोच केल्या जतात.
मात्र काही ग्राहक एजन्सीमध्ये थेट येऊन सिलिंडेरच्या टाक्या घेऊन जातात.आरोपी मोईन चौधरी आणि वसिम शेख या दोघांनी गॅस एजन्सीमध्ये येऊन ग्राहक सिलिंडर टाक्या घेऊन जात असतानाचे फोटो आणि व्हिडीओ काढले.तसेच फिर्यादी यांना एजन्सीमधून सिलिंडरचे वितरण करु नका असे सांगितले.आरोपींनी या प्रकरणाची तक्रार इंडियन ऑईल कंपनीला केली होती.त्यानुसार कंपनीच्या सेल्स ऑफिसर स्वाती उडुकले यांनी एजन्सीमध्ये येऊन पाहणी केली.दरम्यान, सम्यक संपादक पत्रकार संघाचा महाराष्ट्र अध्यक्ष सुहास बनसोडे याने तक्रारदार
यांना फोन करुन भेटण्यास बोलावले. तक्रारदार आणि त्यांचे सहकारी आशिष कळमकर हे दोघेजण बनसोडेच्या कार्यालयात भेटण्यासाठी गेले.त्यावेळी आरोपींनी तक्रारदार यांच्याकडे दोन लाखाची खंडणी मागून दर महिन्याला पाच हजार रुपयांचा हप्ता मागितला.तक्रारदार यांनी याची तक्रार खंडणी विरोधी पथक दोनकडे केल्यानंतर पथकाने तक्रारदार यांच्याकडे काही खऱ्या आणि काही लहान मुलांच्या खेळ्यातील नोटा असे एकून दोन लाख रुपये दिले.तक्रारदार यांच्याकडून आरोपींना दोन लाख रुपये स्विकारताना सापळा रचलेल्या पथकाने तिघांना रंगेहाथ पकडून अटक केली.ही कारवाई पोलीस आयुक्त अमिताभ गुप्ता सह आयुक्त डॉ. रवींद्र शिसवे पोलीस उपायुक्त (गुन्हे) श्रीनिवास घाडगे सहायक पोलीस आयुक्त गुन्हे-2 लक्ष्मण बोराटे यांच्या मार्गदर्शनाखाली खंडणी विरोधी पथक- 2 चे पोलीस निरीक्षक बालाजी पांढरे पोलीस उपनिरीक्षक श्रीकांत चव्हाण, पोलीस अमलदार संपत अवचरे, प्रदिप शितोळे, विजय गुरव,सौदाबा भोजराव, शैलेश सुर्वे, विनोद साळूंके, सचिन अहिवळे, अमोल पिलाणे, संग्राम शिनगारे, राहुल उत्तरकर, जगदाळे,
प्रविण पडवळ, प्रदिप गाडे, मोहन येलपल्ले, चेतन शिरोळकर, रुपाली कर्णवर व आशा कोळेकर यांच्या पथकाने केली.