पुणे दि ३१ :- करोना विषाणूचा संसर्ग रोखण्यासाठी देशभऱामध्ये लॉकडाउन सुरु असतानाही अनेकजण सकाळी मॉर्निंग वॉकसाठी किंवा कारण नसताना बाहेर पडताना दिसत आहेत. करोनाचा प्रादुर्भाव होऊ नये म्हणून सरकारी यंत्रणा आणि आरोग्य विभागाने सोशल डिस्टंन्सींगचा अवलंब करण्याच्या, घराबाहेर न पडण्याच्या सुचना दिल्या आहेत. मात्र तरीही परिस्थितीचे गांभीर्य लक्षात न घेता अनेकजण सकाळी मॉर्निंग वॉकपासून ते सहज फिरण्यासाठी बाहेर पडताना दिसत आहेत. पुणे ग्रामीण परिसरात असे प्रकार पहायला मिळत आहेत. याच पार्श्वभूमीवर पुणे ग्रामीण पोलीस यांनी गरज नसतानाही
गाड्यांवरुन फिरणाऱ्या नागरिकांच्या गाड्याच जप्त करण्याच आदेश दिले आहेत सुचनेनुसार वेळोवेळी आवाहन करुनही मॉर्निंग वॉकसाठी घराबाहेर पडलेल्या व विनाकारण फिरणाऱ्यां वाहनचालकांवर लोणी काळभोर पोलिसांची धडक कारवाई अनेक गाडयां केल्या जप्त करून गुन्हा दाखल करण्यात आला आहे.सार्वजनिक ठिकाणी लोकांनी गर्दी करुन त्या माध्यमातून करोनाचा संसर्ग होऊ नये म्हणून पंतप्रधान नरेंद्र मोदींनी १४ एप्रिलपर्यंत राष्ट्रीय लॉकडाउनची घोषणा केली आहे. लोकांनी गरज असेल तरच घराबाहेर पडावे असे आवाहन पंतप्रधानांपासून मुख्यमंत्री उद्धव ठाकरे हे ही वेळोवेळी करत आहेत. मात्र याकडे सर्रास दुर्लक्ष करुन अनेकजण बाहेर फिरताना दिसत आहेत. अशा लोकांना धडा शिकवण्यासाठी आपत्कालीन परिस्थितीमध्ये पुणे ग्रामीण पोलीस ड्रोनद्वारे माहिती घेऊन थेट गाडी जप्त करण्याचे आदेश दिले आहेत. त्यामुळे गाडीवरुन बाहेर विनाकारण भटकण्यास जाणाऱ्यांवर कारवाई झाली तर गाडी जप्त करून कारवाई करण्यात येणार आहे.व अनेक ठिकाणी पोलिस जाऊन सुरक्षेचा आढावा घेताना दिसत आहेत.