पिंपरी चिंचवड,दि.२७ :- दोन आठवडयापूर्वी सांगवी परिसरात योगेश जगताप हत्या प्रकरणातील आरोपींना पकडण्यात पिंपरी चिंचवड पोलिसांना यश आले आहे. आरोपींना पकडण्यासाठी गेलेलया पोलिस व आरोपींमध्ये चकमक घडली असून यात आरोपींनी केले तीन राउंड फायर केल्याचे समोर आले आहे. सुदैवाने या घटनेत कोणत्याही प्रकारची जीवितहानी झालेली नाही. या चकमकीत दरम्यान एक पोलीस कर्मचारी किरकोरळ जखमी झाला आहे.या गुन्हया प्रकरणी पिंपरी चिंचवड पोलीस आरोपींचा शोध घेत होते. त्यावेळी चाकण मधील कुरवंडी गावात हे आरोपी असल्याची माहिती पोलिसांना मिळाली. त्यानुसार
आयुक्तालयातील चार पथकांनी तात्काळ हालचाली करत त्यांना पकडण्याची कारवाई केली. पोलीस पकडण्यासाठी गेले, असता मुख्य आरोपी गणेश मोटे आणि अश्विन चव्हाण आणि त्याचा साथीदारांनी पोलिसांवर केली फायरिंग सुरु केली. मात्र पोलिसांना त्यांना ताब्यात घेण्यात यश आले . यावेळी पोलिसांनी 4 पिस्तुल तीन जिवंत काडतुस आणि गुन्हात वापरलेली मोटारसायकल पोलिसांनी केली जप्त केले आहे.
गणेश हनुमंत मोटे, अश्विन आनंदराव चव्हाण, गणेश बाजीराव ढमाले, अभिजित बाजीराव ढमाले, प्रथमेश लोंढे, गणेश उर्फ मोनू सपकाळ, अक्षय केंगले, निखिल उर्फ डोक्या अशोक गाडुते, राजन उर्फ बबलू रवी नायर, महेश तुकाराम माने, निलेश मुरलीधर इयर (सर्व रा. सांगवी) यांच्या विरोधात गुन्हा दाखल केला होता.त्यातील दोघांना पोलिसांनी अटक केली होती. व पोलिसांना गोपनीय माहिती मिळाली की तिघेजण चाकण जवळ असलेल्या कुरवंडी गावात लपले असल्याची माहिती पोलिसांना मिळाली. त्यानुसार पोलिसांची चार पथके आरोपींना ताब्यात घेण्यासाठी गेली. पोलिसांना पाहताच आरोपींनी थेट पोलिसांवर गोळीबार केला.
प्रतिउत्तरादाखल पोलिसांनी देखील गोळीबार गेला. आरोपींसोबत पोलिसांची झटापट झाली. त्यात एक पोलीस कर्मचारी किरकोळ जखमी झाले आहेत. मात्र लपून बसलेल्या तिन्ही आरोपींना पकडण्यात पोलिसांना यश आले आहे.