पुणे दि १९ :- पुणे शिवाजीनगर येथील सीओइपी जम्बो कोविड रुग्णालया मध्ये पुणे महालक्ष्मी देवस्थान सारसबाग, यांचेकडून रुग्ण, डॉक्टर, मनपा सेवक व सर्व स्टाफ यांना फळे वाटपाचा कार्यक्रम संपन्न
कोरोनाबाधित रुग्णांवर उपचार करण्यासाठी उभारण्यात आलेल्या पुणे शिवाजीनगर येथील सीओइपी जम्बो कोविड रुग्णालयामध्ये महालक्ष्मी देवस्थान सारसबाग यांचेकडून रुग्ण, डॉक्टर, मनपा सेवक यांना सभासद प्रवीण चोरबोले, अॅड. प्रताप परदेशी तसेच शिवाजीनगर जम्बो हॉस्पिटलच्या कार्यकारी अध्यक्षा तथा अतिरिक्त महापालिका आयुक्त (ज) श्रीमती रुबल अग्रवाल, राजेंद्र मुठे, घोले रोड क्षेत्रिय कार्यालयाच्या महापालिका सहायक आयुक्त मा. आशा राऊत यांचे हस्ते फळे वाटप करण्यात आली.
याप्रसंगी सभासद प्रवीण चोरबोले यांनी सांगितले कि, शिवाजीनगर येथील सीओइपी जम्बो कोविड रुग्णालयामध्ये कोविड-१९ या आजाराबाबत मार्गदर्शन करून त्यांच्यावर योग्य पद्धतीचे उपचार करण्यात येत आहेत. येथील डॉक्टर, त्यांचे स्टाफ, व व्यवस्थापन यांनी रुग्णांबद्दल उत्कृष्ट पद्धतीने नियोजन केले असून रुग्ण लवकरात लवकर बरे होऊन घरी सोडण्यात येत आहेत याबद्दल त्यांनी समाधान व्यक्त केले आहे.व रुग्णालयातून १० रुग्णांना पूर्णपणे बरे होऊन घरी सोडण्यात आले. त्यावेळी सभासद प्रवीण चोरबोले व अॅड. प्रताप परदेशी यांनी सर्व रुग्णांशी संवाद साधून त्यांना रुग्णालयातून देण्यात येत असलेल्या सुविधांबाबत माहिती घेतली. औषधे वेळच्या वेळी देण्यात येतात, जेवण दररोज ५ वेळा देण्यात येते, रुग्णालयात उत्तम प्रकारे स्वच्छता ठेवण्यात येते असे घरी सोडण्यात आलेल्या रुग्णांनी सभासद प्रवीण चोरबोले व अॅड. प्रताप परदेशी तसेच शिवाजीनगर जम्बो हॉस्पिटलच्या कार्यकारी अध्यक्षा तथा अतिरिक्त महापालिका आयुक्त (ज) श्रीमती रुबल अग्रवाल, राजेंद्र मुठे, घोले रोड क्षेत्रिय कार्यालयाच्या महापालिका सहायक आयुक्त मा. आशा राऊत यांना सांगून आपले मनोगत व्यक्त केले.व सर्व नागरिकांनी ०२०२५५०२११०/ २५५०२५२५/ २६ या हेल्पलाईन क्रमांकाचा वापर करावा असे यावेळी सांगण्यात आले.