पुणे दि २२ :-पुणे परीसरात दुर्मिळ मांडूळ जातीच्या सापाची विक्री करण्यासाठी आलेल्या आरोपी ला पुणे सहकारनगर पोलिसांनी अटक केले. त्याचे दोन साथीदार अंधाराचा फायदा घेऊन पळून जाण्यात यशस्वी झाले आहेत. सोमवारी रात्री दहा वाजण्याच्या सुमारास सहकार नगर परिसरातील अष्टद्वार सोसायटीजवळ ही कारवाई करण्यात आली. सौरभ अशोक जाधव (वय – 21, रा. पिसोळी, ता. हवेली) असे अटक करण्यात आलेल्याचे नाव आहे.सहकारनगर पोलिस ठाण्याच्या कर्मचाऱ्यांना मांडूळ सापाची नऊ लाख रुपयात विक्री होणार असल्याची गोपनीय माहिती मिळाली होती. त्यानुसार पोलिसांनी अष्टद्वार सोसायटी जवळ असलेल्या मोकळ्या मैदानात सापळा रचला.व वनरक्षक गणेश सरोदे यांना कारवाई कामी बोलावुन घेवुन तपास पथकातील अधिकारी व स्टाफने सापळा रचला
त्यानंतर दहा वाजण्याच्या सुमारास दुचाकीवरुन तीन व्यक्ती त्या ठिकाणी आले यांना ताब्यात घेण्यात आले . त्यातील दोन व्यक्ती पळून जाण्यात यशस्वी ठरले. दुचाकीवरील सौरभ जाधव याला पोलिसांनी पकडले. त्याच्या दुचाकीच्या डिकीतील पिशवीत पोलिसांना दोन किलो वजनाचा मांडूळ जातीचा साप आढळला. आरोपी सौरभ जाधव याने हा साप नऊ लाख रुपये किमतीत विकण्यासाठी पुण्यात आणला असल्याचे सांगितले. सदरची कामगीरी अपर पोलीस आयुक्त , पुर्व प्रादेशीक विभाग , डॉ .संजय शिंदे, पोलीस उपायुक्त , परिमंडळ -२ , सागर पाटील ,सहा.पोलीस आयुक्त , स्वारगेट विभाग.सर्जेराव बाबर , वपोनिरी.वायकर , पो.निरी.राजेंद्र कदम ( गुन्हे ) यांचे मार्गदर्शनाखाली सहकारनगर तपास पथकाचे पोलीस उप – निरीक्षक सुधीर घाडगे , पो.हवा.बापु खुटवड , विजय मोरे , संदीप जाधव , पोलीस नाईक भुजंग इंगळे , संदिप ननवरे , सतिष चव्हाण , प्रकाश मरगजे , पोलीस शिपाई किसन चव्हाण , प्रदिप बेडीस्कर , शिवलाल शिंदे , महेश मंडलीक यांचा समावेश होता .