पुणे दि ०४ :- लोणी काळभोर येथील शेल पेट्रोल पंपावर दरोडा टाकणारे,व रांजणगाव येथील एका कॅब चालकाचा खून करणाऱ्या रांजणगाव परिसरातील कोयत्या गॅगला स्थानिक गुन्हे अन्वेशन शाखेने अटक केली आहे. कॅब चालकाने गँगमधील एकाला आईवरुन शिवी दिल्याच्या किरकोळ कारणावरुन त्याचा रांजणगाव जवळील सोनेसांगवी ते मलठण रस्त्यावर शनिवारी मध्यरात्री कोयता गँगने कोयता तसेच दगड-गोट्यांनी मारहाण करुन, निर्दयीपणे खून केल्याचा धक्कादायक प्रकार उघडकीस आला होता योगेश मच्छिंद्र गर्जे (वय 25 वर्षे, रा रांजणगाव ता शिरूर) हे त्या खून झालेल्या कॅब चालकाचे नाव असुन, या प्रकरणी पुणे ग्रामीण स्थानिक गुन्हे अन्वेषण शाखा पोलिसांनी किरण भाऊसाहेब थिटे (वय २१ वर्षे, रा केंदूर ता.शिरूर), गौरव बाळू ढवळे (वय- २१ वर्षे, रा. अष्टापुर ता हवेली), संतोष गोरख ब्राम्हणे (वय- २० वर्षे, रा. शनिशिंगणापूर, ता नेवासा जि अहमदनगर) भाऊसाहेब गौतम कुडुक (वय- २२ वर्षे, रा. शेकटा ता. गेवराई जि बीड) व दक्षिणेस उर्फ दर्शन अनिल दांगट (वय- २१ वर्षे, रा उंब्रज ता. जुन्नर) या कोयता गँगमधील पाच जणांना अटक केली आहे. किरण थिटे व गौरव ढवळे हे कोयता गँगचे प्रमुख असून, वरील पाचही जणांनी लोणी काळभोर येथील शेल पेट्रोल पंपावर दरोडा टाकण्याबरोबरच, रांजणगाव येथील योगेश गर्जे या कॅब चालकाचा कृरपणे खून केल्याची कबुली दिली आहे. विशेष बाब म्हणजे खून झालेल्या योगेश गर्जे याचा चार महिन्यांपुर्वी विवाह झालेला होता.स्थानिक गुन्हे अन्वेषण शाखेचे प्रमुख पद्ममाकर घनवट यांनी दिलेल्या तक्रारीनुसार, पुणे-सोलापुर महमार्गावर लोणी काळभोर हद्दीतील पेट्रोल पंपावर पाच दिवसांपुर्वी कोयता गँगने शेल पेट्रोल पंपावर दरोडा टाकला होता. यावेळी कामगारांना कोयता व लाकडी दंडुक्याच्या सहाह्याने मारहाण करुन अडीच हजार रुपयांची रोकड व दोन मोबाईल फोन लुटले होते आणि कार्यालयाची तोडफोडही केली होती. हा प्रकार सिसिटीव्ही कैद झाल्याने स्थानिक गुन्हे अन्वेषन शाखेचे पोलिस या आरोपींच्या मागावर होते. दरम्यान हे पाचही जण रविवारी मध्यरात्रीच्या सुमारास रांजणगाव परिसरात येणार असल्याची माहिती मिळाल्याने, पोलिसांनी रांजणगाव परिसरात सापळा रचून कोयता गँगला रविवारी (ता.3) मध्यरात्रीच्या सुमारास ताब्यात घेतले. त्यानंतर पोलिसांनी पाचही जणांकडे अधिक चौकशी केली असता आरोपींनी शेल पेट्रोल पंप लुटल्याची कबुली दिली.योगेश गर्जे या कॅब चालकाचा खून उघड…लोणी काळभोर येथील शेल पेट्रोल पंपावरील दरोड्याची कबुली दिल्यानंतर, आणखी काय हाती लागते का? हे पाहण्यासाठी पोलिसांनी किरण थिटे व गौरव ढवळे व त्याच्या सहकाऱ्यांची विशेष चौकशी सुरु केली. यात वरील पाचही जणांनी योगेश गर्जे या कॅब चालकाचा निर्दयीपणे खून केल्याचा धक्कादायक प्रकार पुढे आला आहे. योगेश गर्जे याच्या भावाची रांजणगाव गावात पानाची टपरी आहे. या टपरीवर आरोपीचे ये-जा असल्याने योगेश व आरोपी एकमेकांना ओळखत होते. शनिवारी मध्यरात्री पेट्रोल पंपावर दरोडा टाकल्यानंतर पाचही जणांनी बाहेर फिरायला जान्यासाठी रांजणगाव येथिल टुरिस्ट चा व्यवसाय करणारे चालक योगेश मचिंद्र गर्जे वय २५ वर्षे रा रांजणगाव ता शिरूर जि पुणे याची स्विफ्ट डिझायर गाडी बोलावून घेतली त्यानंतर आरोपी यांनी गाडीत बसून पुढे वणी गढ येथे फिरायला जाण्यासाठी सोनेसांगवी ते मलठण रोड ला गाडी नेली त्यानंतर गाडी तील आरोपी यांनी गाडी चालक यांना लघवीचे नाटक करून गाडी थांबवून ती गाडी चोरी करण्याचा प्रयत्न केला गाडी वरील चालक योगेश याने त्यास विरोध केला , विरोध रोखण्यासाठी आरोपीनी त्यास कोयता तसेच दगडाने मारण्यास सुरवात केली पुढे त्याच्या तोंडावर कोयत्याने तसेच दगडाने ठेचून खून केला असल्याचे समोर आले. खुनाचा तपास लागू नये म्हणून आरोपी यांनी योगेश याचे प्रेत हे गाडीच्या डिकी मध्ये ठेऊन गाडी ही भवरापूर ता हवेली येथील मुळामुठा नदी वरील पुलावर आणून पुलावरून योगेश याचे प्रेत पुरावा नष्ट करण्याचा हेतूने नदीचे पाण्यात फेकून दिले असल्याचे आरोपी यांनी सांगितले आहे दोन्ही गुन्हे आरोपी यांनी केले असल्याचे सांगितले वरून पुढील तपास कामी आरोपी यांची वैद्यकीय तपासणी करून लोणी काळभोर पोलिस स्टेशन यांच्या ताब्यात दिले आहेत. सदरची कारवाई ही डॉ अभिनव देशमुख , अप्पर पोलिस अधीक्षक विवेक पाटील , मिलिंद मोहिते यांच्या नेतृत्वाखाली स्थानिक गुन्हे शाखेचे वरिष्ठ पोलिस निरीक्षक पद्माकर घनवट यांच्या मार्गदर्शनाखाली , पो उप नि शिवाजी ननावरे,सहा फो दत्तात्रय गिरमकर ,पो हवा उमाकांत कुंजीर ,पो ना राजू मोमिन ,पो ना जनार्दन शेळके ,पो ना विजय कांचन ,पो ना मंगेश थिगळे पो कॉ धिरज जाधव ,अक्षय नवले समाधान नाईकनवरे यांनी केली आहे