हॉटेलमधील स्वच्छतागृहात वेटरनेच केले तरुणीचे चित्रीकरण, पुण्यातील सुतारवाडी परीसरात खळबळजनक प्रकार

पुणे दि ०६ :- पाषाण परीसरात सुतारवाडी बंगलोर मुंबई महामार्गालत हॉटेलमध्ये जेवण्यासाठी गेलेल्या तरूणीचे स्वच्छतागृहात एका वेटरनेच मोबाईलमध्ये चित्रीकरण केल्याचा धक्कादायक प्रकार उघडकीस आला आहे. तरूणीच्या हॉटेल मधील वेटर हा चित्रीकरण करताना हा प्रकार उघडकीस आला. तरुणीने याबाबत वेटरला विचारणा केली असता, तो धक्का देऊन पळून गेला. ही घटना दोन दिवसांपूर्वी रात्री नऊच्या सुमारास पाषाण परीसरात ‘हॉटेल हॅपी द पंजाब’मध्ये घडली.
हाफिज अन्सारी (वय – 18) याच्याविरूद्ध चतुर्श्रुंगी पोलीस ठाण्यात गुन्हा दाखल करण्यात आला आहे. याप्रकरणी 18 वर्षीय तरूणीने फिर्याद दिली आहे.पोलिसांनी दिलेल्या माहितीनुसार, फिर्यादी तरुणी दोन दिवसांपूर्वी रात्री साडेआठच्या सुमारास कुटुंबियासोबत सुतारवाडी बंगलोर मुंबई महामार्गालत ‘हॉटेल हॅपी द पंजाब’मध्ये जेवणासाठी गेली होती. त्यानंतर काही वेळाने तरुणी स्वच्छतागृहात गेली असता, हाफिज मोबाइलमध्ये तरुणीचे चित्रीकरण करताना दिसून आला. त्यामुळे संबंधित तरुणीने त्याला जाब विचारला. घाबरलेल्या अवस्थेत हाफिज हॉटेलमधून बाहेर पळून गेला. सहाय्यक पोलीस निरीक्षक भागवत अधिक तपास करीत आहेत.