उपमुख्यमंत्री अजित पवार यांच्या हस्ते लाभार्थ्यांना बैलजोडीचे वितरण

पुणे,दि.22 :- उपमुख्यमंत्री तथा जिल्ह्याचे पालकमंत्री अजित पवार यांच्या हस्ते आज जिल्हा परिषदेच्या नावीन्यपूर्ण योजनेतून 50 टक्के अनुदानावर लाभार्थ्यांना बैलजोडीचे वितरण करण्यात आले.
येथील विधानभवन प्रांगणात आज उपमुख्यमंत्री अजित पवार यांच्या हस्ते झालेल्या या कार्यक्रमाला पशुसंवर्धन दुग्धव्यवसाय विकास व मत्स्यव्यवसाय राज्यमंत्री दत्तात्रय भरणे, जिल्हा परिषदेच्या अध्यक्षा निर्मला पानसरे, जिल्हा परिषदेचे उपाध्यक्ष रणजित शिवतारे, जिल्हा परिषदेचे मुख्य कार्यकारी अधिकारी आयुष प्रसाद यांच्यासह संबंधित विभागांचे वरिष्ठ अधिकारी व पदाधिकारी उपस्थित होते.