पुणे धनकवडी येथील आदर्श नागरी सहकारी पतसंस्थेत 47 कोटीचा ‘ घोटाळा ‘ ; व्यवस्थापकासह तिघांना अटक

पुणे दि ०५ :- पुणे परिसरातील धनकवडी येथील आदर्श नागरी सहकारी पतंस्था घोटाळा प्रकरणी आर्थिक गुन्हे शाखेने तीघांना अटक केली आहे. यामध्ये पतसंस्थेच्या व्यवस्थापकाचा समावेश आहे.या प्रकरणी लेखा परिक्षक विलास काटकर यांनी लेखा परिक्षण केले असता ४७ कोटी ९ लाख ८१ हजारांचा अपहार झाल्याचे उघड झाले होते. सहकारनगर पोलीस ठाण्यात २०२० मध्ये अपहाराचा गुन्हा दाखल झाला आहे. यामध्ये संस्थेचे संचालक व पदाधिकाऱ्यांनी परस्पर रकमा काढून घेतल्याचे म्हटले आहे.
पतसंस्थेंचे व्यवस्थापक काशिनाथ केरबा बनसोडे(रा.आंबेगाव पठार), रोखपाल गौतम नाना जोगदंड(रा.आंबेगाव पठार) व क्‍लार्क कम अकाऊटंट शंकर सटवा जोगदंड(रा.धनकवडी) अशी अटक आरोपींची नावे आहेत.आदर्श नागरी पतसंस्थेच्या गुन्हयाचा तपास पोलीस उपायुक्त भाग्यश्री नवटके व सहायक पोलीस आयुक्त डॉ.शिवाजी पवार यांच्या मार्गदर्शनाखाली वरिष्ठ पोलीस निरीक्षक अनिता मोरे करत आहेत. गुन्हा दाखल झाल्यापासून आजवर १६१ गुंतवणूकदारांकडून तक्रार अर्ज प्राप्त झाले आहेत.त्यानूसार ६ कोटी ७८ लाख ५२ हजारांची फसवणूक झाली आहे. या पतसंस्थेत २६ डिसेंबर १९९१ ते २० जानेवारी २०१८ दरम्यान आर्थिक गैरव्यवहार झाल्याचे लेखा परिक्षणात निष्पन्न झाले आहे.व आरोपींना अटक करण्यात आलेली आहे . मा.न्यायालयाने सदर आरोपीतांना पोलीस कोठडीचे आदेश दिलेले असुन , पोलीस कोठडीचे दरम्यान आरोपीतांकडुन अपहारीत रकमेचा तपास चालु आहे .सदरची कारवाई ही पोलीस उपायुक्त श्रीमती भाग्यश्री नवटके यांच्या मार्गदर्शनाखाली वरिष्ठ पोलीस निरीक्षक , अनिता मोरे , सपोफौ.संजय कराळे , मपोहवा.धनश्री सुपेकर पो.शि.संदिप गि – हे , मपोशि.अमृता हरबा यांचे पथकाने केलेली आहे .