पुणे दि ११ : – पुणे शहरपोलीस आयुक्तांनी गुंडगिरी करणाऱ्या गुंडांच्या मुसक्या आवळल्या नंतर दणकेबाज कारवाई सुरु केली आहे. गुन्हेगार अन् अवैध धंदेवाल्यांची पळताभुई झाली आहे. आता कुंटण खान्यावर कारवाईला सुरुवात केली असून, कोरेगाव पार्क आणि फरासखाना पोलीस ठाण्याच्या हद्दीतील दोन कुंटण खाने सील करण्याचे आदेश पुणे शहर पोलीस आयुक्त अमिताभ गुप्ता यांनी दिले आहेत.कोरेगाव पार्क येथील जी रेसिडन्सी लॉज व फरासखाना पोलीस ठाण्याच्या हद्दीतील बुधवार पेठ भागातील महामुनीवाडा अशी सील केलेल्या कुंठण खान्यांची नावे आहेत. काही दिवसांपूर्वी गुन्हे शाखेच्या सामाजिक सुरक्षा विभागाच्या पथकाने या दोन ठिकाणी छापे टाकत येथील वेश्या व्यवसाय उघडकीस आणला होता. या प्रकरणी गुन्हे दाखल करण्यात आले होते.त्यानंतर सामाजिक सुरक्षा विभागाने दोन्ही कुंटण खाने सील करावेत म्हणून पोलीस आयुक्त अमिताभ गुप्ता यांच्याकडे प्रस्ताव पाठविण्यात आला होता.त्यानुसार अनैतिक व्यापार प्रतिबंधक कायद्यानुसार पोलीस आयुक्तांना जिल्हा दंडाधिकारी यांचे अधिकार प्रदान करण्यात आले आहेत. त्यानुसार पोलीस आयुक्तांनी हे दोन्ही कुंटण खाने सील करण्याचे आदेश दिले आहेत.तसेच पुणे शहरात काही ठिकाणी अवैधरित्या मटका लॉटरी वर बॅटिंग व विनापरवाना हातभट्टी व देशी विदेशी दारू विक्री व अवैध रित्या असणारे वेश्याव्यवसाय व नियम भंग करणारे हॉटेल व पब इतर माहिती आयुक्तांनी मागितली आहे व लवकरच पुणे शहरातील हद्दीत धंदे आढळल्यास तेथे कारवाई करण्याचे आदेश हि दिले आहे.