श्रीगोंदा दि १३ : -श्रीगोंदा तालुक्यात कोरोनाचे वाढते रुग्ण लक्षात घेता श्रीगोंदा पोलिसांनी मास्क न लावणाऱ्या नागरिकांवर व दुकांनदारावर कारवाईला सुरुवात केली आहे. मात्र, तरीही मढेवडगांव येथे सकाळच्या सुमारास विना मास्क फिरणाऱ्यांची संख्या कमी होत नाही.हे पोलिसांच्या निदर्शनास आल्यानंतर तसेच अनेक लोक मास्क न लावताच उघड तोंडाने फिरताना दिसत आहेत. तर काहींचे मास्क फक्त नावापुरताच कानाला लटकलेले दिसतात.अशा दुकानदारांवर व विनामास्क फिरणाऱ्यांवर श्रीगोंदा पोलिसांनी दंड ठोठावला.
ग्रामिण भागातील लोक तोंड आणि नाक उघडंच ठेऊन सोशल डिस्टन्सिंगच्या नियमांना पायदळी तुडवत असुन तरुणांचे समूह प्रत्येक भागातच उभे असल्याचं चित्र आहे. त्यामुळे काहींसाठी कोरोना परतला आहे की काय अशी शंका निर्माण होते. या सर्व प्रकारानंतर जिल्हाधिकारी यांच्या आदेशानुसार ५ एप्रिल पासुन मास्क न लावणाऱ्यांवर सुरु असलेल्या कारवाईने, मंगळवारी चांगलाच जोर धरला असून मढेवडगांव येथे ठिकठिकाणी मास्क न लावणाऱ्या दुकांनदारावर व नागरिकांवर प्रत्येकी ५०० रुपयांचा दंड लावत चालान कारवाई केली गेली.
श्रीगोंदा पोलिसांनी मढेवडगांव येथे ५ जणांवर मास्क न लावल्यामुळे २५०० रुपयांचा दंड ठोठावला. वारंवार सूचना देऊन देखील मोठ्या प्रमाणावर नागरिक विनामास्क फिरत आहेत. सुरक्षित वावरणे, हा निकष देखील त्यांच्याकडून पाळला जात नाही. त्यामुळे तालुक्यात रुग्णांची संख्या वाढत असल्याचे लक्षात आले आहे.यावेळी पी.एस.आय अमित माळी,कुलदीप घोळवे,वैभव गांगर्डे यांनी ही कारवाई केली.
श्रीगोंदा प्रतिनिधी :-विजय कुंडलिक मांडे