कर्जत दि.१५:-सिद्धेटेक येथील ग्रामसुरक्षा दलाच्या सदस्यांच्या मदतीने कर्जत पोलिसांनी धडाकेबाज कारवाई केली असून,दि. ९ एप्रिल रोजी पहाटे २ वाजेच्या सुमारास वडारवस्ती सिद्धटेक येथे हृषिकेश परशुराम सूर्यवंशी रा.वडारवस्ती, सिद्धटेक ता. कर्जत यांना काहीतरी पडल्याचा आवाज आला. घराबाहेर येऊन पाहिले तर लावलेली दुचाकी त्या ठिकाणी नव्हती. त्यांनी तात्काळ कर्जत पोलीस आणि नागरिकांशी संपर्क साधला. स्थानिक ग्रामसुरक्षा दलाचे सदस्य ऋषिकेश सूर्यवंशी,राजु लष्कर, किशोर सांगळे,अमोल चिंतामणी सांगळे, बाबुराव विटेकर, विजय तांदळे, दत्ता सांगळे, शहाजी पोटे, सचिन जाधव, महेश सांगळे, रोहित सांगळे, सखाराम तांदळे, अमोल भोसले तसेच पोलीस पाटील दादासाहेब भोसले यांनी संशयित आरोपींचा सिद्धटेक पेट्रोल पंपापर्यंत पाठलाग केला आणि त्यांना ताब्यात घेतले दरम्यान कर्जत पोलीस स्टेशन चे अधिकारी आणि जवान सदर ठिकाणी पोहोचले. हृषिकेश परशुराम सूर्यवंशी रा. वडारवस्ती, ता.कर्जत यांची ४० हजार रुपये किमतीची, निळया रंगाची बजाज डिस्कवर मोटार सायकल क्र. एम.एच.४५ आर.०८८१ ही चोरून घेऊन जात असताना २ चोरट्याना रंगेहात पकडले.
वरील संशयीत पकडलेल्या इसमांची नावे विचारली असता त्यांनी त्यांची नावे आकाश विठ्ठल माने वय 19 वर्ष, रा.पोथरे, ता.करमाळा, जि.सोलापूर,विठ्ठल सुभाष माने वय 26 वर्ष, रा.जेऊर, ता.करमाळा जि. सोलापूर असे असल्याचे सांगितले व फरार झालेल्या आरोपीचे नाव अमोल श्रीधर माने, रा.दिघोळ,ता.जामखेड असे असल्याचे सांगितले. त्यावरून त्यास कर्जत पोलिसांनी माग काढून मोठ्या शिताफीने तांदुळवाडी, बारामती येथून अटक केली आहे.यावेळी चोरटे पकडण्यासाठी मदत करणाऱ्या ग्रामसुरक्षा दलाच्या सदस्यांनाचा सत्कार करण्यात आला.सदर आरोपींना पोलीस स्टेशन येथे आणून कर्जत पोलीस स्टेशन गु. र.न.२१२/२०२१भा.द.वि ३७९,३४ प्रमाणे गुन्हा दप्तरी नोंद करण्यात आला असून पुढील तपास पोलीस हवालदार मारुती काळे हे करीत आहेत.सदरची कारवाई ही पोलीस अधीक्षक मनोज पाटील साहेब,अप्पर पोलीस अधीक्षक सौरभ अग्रवाल साहेब यांचे सूचना व मार्गदर्शनाखाली अण्णा साहेब जाधव, उपविभागीय पोलीस अधिकारी कर्जत विभाग कर्जत,पोलीस निरीक्षक चंद्रशेखर यादव,सहाय्यक पोलीस निरीक्षक सुरेश माने,पोलीस जवान मारुती काळे, अमित बरडे, सागर म्हेत्रे, गणेश भागडे,गणेश ठोंबरे,चालक नितीन नरुटे यांनी केली आहे.
श्रीगोंदा प्रतिनिधी :-विजय कुंडलिक मांडे