खेलो इंडीया -यूथ गेम्स -२०१९ शिवछत्रपती क्रीडा संकुलाच्या कार्यक्रम प्रसिद्धीसाठी पत्रकारांसाठी अद्यावत मिडीयासेंटर  

 दि. १० : पुणे येथे आयोजित खेलो इंडीया युथ गेम्ससाठी विविध माध्यामातील क्रीडा पत्रकार वार्तांकनासाठी आले असून त्यांना एकाच ठिकाणी सुलभतेने वृत्त पाठविण्याची सुविधा होण्याच्या दृष्टीने अद्यावत मिडीया सेंटर उभारण्यात आले आहे.नाशिकचे जिल्हा क्रीडा अधिकारी तथा माध्यम समन्वयक रविंद्र नाईक व माहिती व जनसंपर्क महासंचालनालयाच्या पुणे विभागातर्फे समन्वय साधण्यात येत आहे.म्हाळूंगे-बालेवाडीच्या शिवछत्रपती क्रीडा संकुलाच्या मुख्य इमारतीतील दुसऱ्या माळ्यावर हे मिडीया सेंटर आहे. देशभरातून आलेल्या पत्रकारांना कोणतीही अडचण येवू नये, यासाठी इमारतीत प्रवेश करताच मदत तथा स्वागत केंद्र आहे. हे मिडीया सेंटर ८ जानेवारी पासून सुरु झाले आहे.या संबंधी आपली प्रतिक्रिया व्यक्त करताना मिलींद ढमढेरे म्हणतात ,प्रत्येक मोठ्या स्पर्धेचा प्रसिध्दी विभाग हा नेहमीच गजबजलेला असतो. ही स्पर्धा सर्वांपर्यंत पोहोचण्यासाठी प्रत्येक वृत्तपत्र व विविध वृत्त वाहिन्यांचे प्रतिनिधी कसोशीने प्रयत्न करत असतात. या दृष्टीने मोठ्या स्पर्धेचा प्रसिध्दी विभाग म्हणजे मिडीया सेंटर.. सकाळपासून रात्री पर्यंत सतत कार्यरत असते. प्रसार माध्यमांच्या प्रतिनिधींना प्रत्येक माहिती वेळोवेळी अद्यावत देण्यासाठी या विभागासाठी नियुक्त करण्यात आलेल्या स्वयंसेवक मनापासून काम करत असतात. येथे देखील खेलो इंडीयाच्या विविध स्पर्धाचे अद्यावत निकाल देण्यासाठी ५० स्वयंसेवकांची फौज कार्यरत आहे