पुणे,दि.१२ :- पुणे लोकसभेचे खासदार गिरीश बापट यांच्या निधनानंतर जागा रिक्त झाली आहे. या जागेवर पोटनिवडणूक लागण्याची शक्यता आहे. व भाजपसह काँग्रेस आणि राष्ट्रवादी काँग्रेसने या पोटनिवडणुकीसाठी तयारी सुरु केल्याचे चित्र पुण्यात दिसत आहे. राष्ट्रवादी काँग्रेसचे शहराध्यक्ष प्रशांत जगताप यांनी आपण ही पोटनिवडणूक लढवण्यास इच्छुक असल्याचं जाहीर केल्यानंतर आता राष्ट्रवादी काँग्रेसचे बडे नेते आणि शरद पवार यांच्या जवळचे मानले जाणारे दिपक मानकर यांनी देखील या जागेवर दावा केला आहे. सध्या पुण्यात आपल्या इतका जनतेत मिसळणारा दुसरा नेता कोणीही नसल्याने ही लोकसभेची पोटनिवडणूक आपण लढणारच असल्याचं दिपक मानकर यांनी सांज दैनिक शक्ती झुंजार व झुंजार शी बोलताना म्हंटल आहे.
गेली ३५ वर्ष पुण्यात जनतेसाठी काम केल्यानंतर आता कार्यकर्त्यांनीच आग्रह धरला आहे की मी लोकसभेची निवडणूक लढवावी. त्यामुळे कार्यकर्त्यांचा आग्रह आपण मान्य केलाच पाहिजे. पुणे लोकसभा मतदासंघाची पूर्ण माहिती मला आहे. प्रत्येक विधानसभा मतदासंघात माझ्या कार्यकर्त्यांचं जाळ आहे. मला असं वाटत की माझ्याइतका वेळ जनतेला कोणताच उमेदवार देऊ शकणार नाही. गेल्या ३५ वर्षांत लाखो लोकांसोबत एक वेगळं नातं मी जोडलेले आहे, असं मानकर म्हणाले आहेत.करोना काळात साडे तीन लाखांपेक्षा अधिक लोकांच्या अन्नाचा प्रश्न मी मार्गी लावला आहे. युवकांचे अनेक प्रश्न मी माझ्या कारकिर्दीत सोडवले आहेत. फक्त निवडणुकीपुरता काम करण्याचा माझा स्वभाव नाही तर कायम लोकसांसाठी झगडत राहणं ही माझी सवय आहे त्यामुळे या लोकसभा पोटनिवडणुकीत कार्यकर्त्यांची भावना जपण्याचा माझा प्रयत्न असणार आहे. विधानसभा पोटनिवडणुकीतील कसबा येथील वातावरण आजही तसेच आहे. आणि त्यामुळे मी ही पोटनिवडणूक लढवावी अशी लोकभावना असेल तर जागा काँग्रेसची असली तरी राष्ट्रवादी देखील या जागेची मागणी करू शकते.
२५ लाख लोकांपर्यंत पोहोचणारा मी एक कार्यकर्ता आहे. सर्वसामान्य लोकांचा माझ्या कामावर, माझ्यावर विश्वास आहे. गणेश मंडळ, युवकांचे प्रश्न, सार्वजनिक वाहतुकीचे प्रश्न, कामगारांचे प्रश्न, शिक्षण मंडळ, पीएमपीएमएल, पालिका कर्मचारी या सगळ्यांचे प्रश्न सोडवण्यासाठी मी नेहमीच सर्वात पुढे उभा राहिलेलो आहे. त्यामुळे या सगळ्यांशी माझं एक वेगळं नातं जोडलेले आहे. त्यामुळे मी लोकांतील उमेदवार असल्याने ही पोटनिवडणूक मी लढणारच असा मानस दीपक मानकर यांनी बोलून दाखवला आहे.
दरम्यान, भाजपकडून देखील मुरलीधर मोहोळ, मेधा कुलकर्णी, संजय काकडे, स्वरदा बापट, जगदीश मुळीक यांचं नावं चर्चेत असल्याने भाजपमध्ये मोठी चुरस पाहायला मिळत आहे. तर आता राष्ट्रवादी काँग्रेसमध्ये देखील प्रशांत जगताप यांच्या सोबतच दीपक मानकर यांनी स्वतः या जागेवर दावा ठोकला आहे. विशेष म्हणजे दीपक मानकर हे शरद पवार यांच्या मर्जीतील नेते मानले जात असल्याने राष्ट्रवादीमध्ये लोकसभेच्या या जागेसाठी मोठी चुरस पाहायला मिळत आहे. त्यामुळे पुणे लोकसभेची पोटनिवडणूक जाहीर होण्यापूर्वीच पुण्यातील राजकारण कमालीचं तापलं आहे.
दिपक मानकर यांनी १९८८ पासून राजकीय कारकिर्दीला सुरुवात केली. ते १० वर्ष महाराष्ट्र युवक काँग्रेसचे अध्यक्ष होते. २००७ ला महापालिका निवडणूक लढवून नगरसेवक झाले. पहिल्या वेळेस स्वीकृत नागरवेक पदासह ४ टर्म नगरसेवक ते राहिले आहेत. मानकर पुणे महापालिकेत उपमहापौर राहिले आहेत. त्यांनी १० वर्ष शिक्षण मंडळावर काम केलं आहे. २०१४ ला विधानसभा निवडणूक लढवली मात्र त्यामध्ये त्यांचा पराभव झाला. सुरेश कलमाडी, गाडगीळ यांच्या नेतृत्वाखाली त्यांनी पुण्यात मोठे काम केलं. काँग्रेसमध्ये असले तरी शरद पवार यांच्या मर्जीतील नेता म्हणून ओळख होती. दीपक मानकर यांचा पुण्यात दांडगा जनसंपर्क असून युवकांच्या, गणेश मंडळांच्या प्रत्येक प्रश्नावर सर्वात पुढे येऊन लढणारा नेता अशी त्यांची ओळख आहे. राष्ट्रवादी काँग्रेसमधील लोकांतील माणूस म्हणून परिचित आहेत.
Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Shakti Zunzar. To Get Updates on Mobile, Download the
Zunzar Mobile App for Android.
झुंजार आता सर्व सोशल मीडिया प्लॅटफॉर्मवर. ताज्या घडामोडींसाठी
Telegram ,
आम्हाला जॉईन करा तसेच, आमच्याआजच Subscribe करा
