पुणे ग्रामीण दि १० : – पुणे ग्रामीण परिसरात अवैध धंद्यांवर कारवाई होत असल्याने, पोलिसांच्या नजरेतून वाचण्यासाठी भावडी (ता. आंबेगाव) येथील एका हॉटेल चालकाने वॉकी-टॉकीच्या सहाय्याने देशी-विदेशी दारुची विक्री करण्याचा अनोखा फंडा सुरु केला होता. मात्र जिल्हा (ग्रामीण) पोलिसांच्या स्थानिक गुन्हे अन्वेशन शाखेने शुक्रवारी (ता. ९) संबधित हॉटेलवर छापा टाकून, दोन वॉकी-टॉकीसह एक लाख सत्तर हजार रुपयांचा देशी-विदेशी दारुचा साठा जप्त केला आहे
स्थानिक गुन्हे शाखा, पुणे ग्रामीण कडील पथक पोलीस अधीक्षक डॉ. अभिनव देशमुख यांनी अवैध धंद्यांवर कडक कारवाई करण्याचे आदेश दिल्याने स्थानिक गुन्हे शाखेचे वरिष्ठ पोलीस निरीक्षक पद्माकर यांनी दिलेल्या माहितीनुसार, वॉकी-टॉकीच्या सहाय्याने देशी-विदेशी दारुची विक्री करण्याऱ्य़ा भावडी (ता.आंबेगाव) येथील मनोरंजन हॉटेलवर पोलिसांनी कारवाई केली असुन, या प्रकरणी हॉटेल मनोरंजनचे मालक निलेश बबन काळे व संतोष बबन काळे व नीता निलेश काळे (रा
तिघेही, भावडी ता. आंबेगाव) या तिघांच्या विरोधात गुन्हा दाखल केला आहे.पोलीस अधीक्षक डॉ. अभिनव देशमुख यांच्या आदेशानुसार जिल्हात मागील कांही दिवसापासुन मटका, जुगार, बेकायदा दारु विक्री या सारख्या अवैध धंद्यावर स्थानिक गुन्हे अन्वेशन शाखेच्या माध्यमातून कारवाई सुरु केली आहे.स्थानिक गुन्हे अन्वेशन शाखेचे सहाय्यक पोलिस निरीक्षक रविंद्र मांजरे व त्यांचे सहकारी शुक्रवारी मंचर पोलिस ठाण्याच्या हद्दीत पेट्रोलिंग करत असतांना, भावडी गावच्या हद्दीतील मनोरंजन या हॉटेलमध्ये वॉकी-टॉकीच्या सहाय्याने देशी-विदेशी दारुची विक्री होत असल्याची माहिती मांजरे यांना मिळाली. या माहितीच्या आधारे रविंद्र मांजरे व मंचर पोलीस स्टेशनचे पोलीस निरीक्षक कृष्णदेव खराडे यांच्या पथकाने मनोरंजनवर छापा टाकला असता, पोलिसांना दोन वॉकी-टॉकी व एक लाख सत्तर हजार रुपयांचा दारुचा साठा आढळुन आला. पोलिसांनी दोन वॉकी-टॉकीसह एक लाख सत्तर हजार रुपयांचा देशी-विदेशी दारुचा साठा जप्त केला असुन, पुढील तपास मंचर पोलिस करत आहेत. सदरची कारवाई स्थानिक गुन्हे शाखेचे वरिष्ठ पोलीस निरीक्षक पद्माकर घनवट सो. यांचे मार्गदर्शनाखाली पोलीस निरीक्षक कृष्णदेव खराडे, सहा. पोलीस निरीक्षक रवींद्र मांजरे, पो. हवा. शंकर जम, पो. हवा. शरद बांबळे, पो. ना. दीपक साबळे मंचर पोलीस स्टेशनचे पो. ना. अजित मडके, पो. ना. विनोद गायकवाड, पो. शि. शिवाजी चितारे, पो. शि. एस. व्ही. गवारी यांचे पथकाने केली आहे.