पिंपरी, दि.६ :– पिंपरी चिंचवड महानगरपालिकेच्या उपमहापौरपदी केशव हनुमंत घोळवे यांची निवड झाली आहे.
उपमहापौरपदाच्या निवडीसाठी आज महापालिकेची विशेष सभा महापालिकेच्या पिंपरी येथील मुख्य प्रशासकीय इमारतीमधील यशवंतराव चव्हाण सभागृहात आयोजित करण्यात आली होती. पुणे विभागीय आयुक्तांचे प्रतिनिधी म्हणून पुणे महानगरपालिकेचे अतिरिक्त आयुक्त कुणाल खेमणार यांनी या सभेचे पिठासीन अधिकारी म्हणून काम पाहिले. निवडणूकीच्यावेळी आयुक्त श्रावण हर्डीकर, अतिरिक्त आयुक्त अजित पवार, प्रभारी कायदा सल्लागार तथा उपआयुक्त चंद्रकांत इंदलकर, सहाय्यक आयुक्त अण्णा बोदडे उपस्थित होते. नगरसचिव उल्हास जगताप यांनी सभेचे प्रशासकीय कामकाज पाहिले.
नवनिर्वाचित उपमहापौर केशव घोळवे यांचे महापौर उषा उर्फ माई ढोरे, आयुक्त श्रावण हर्डीकर, पिठासीन अधिकारी कुणाल खेमणार यांनी पुष्पगुच्छ देऊन अभिनंदन केले