पुणे दि १७ : – तहसीलदारां कडून काम करून देण्यासाठी लाच मागणी करणाऱ्या खाजगी इसमांवर कारवाई गुन्हा नोंद क्रमांक लाचलुचपत तहसीलदारांचा इनामी शेरा रद्द करण्यासाठी त्यांच्या नावाने दोन खासगी व्यक्तींनी 6 लाख रुपयांची लाच मागितल्याचा प्रकार उघडकीस आला आहे. एसीबीने दोघांविरोधात गुन्हा दाखल केला आहे.१ ) राजेंद्र बाळासाहेब मोरे , रा . फुरसुंगी ता . हवेली जिल्हा पुणे . २ ) गुंजाळ , पुर्ण नाव पत्ता माहिती नाही . अशी लाच मागणाऱ्या खासगी व्यक्तींची नावे आहेत. याप्रकरणी खडक पोलिस ठाण्यात लाच लुचपत प्रतिबंधक विभागाने गुन्हा दाखल केला आहे.यातील तक्रारदार यांची मौजे फुरसंगी गावात जमीन आहे. जमिनीतील इनामी शेरा रद्द करण्याचे प्रकरण तहसील कार्यालय हवेली येथे प्रलंबित होते. या प्रकरणात तक्रारदार यांना आरोपीनी गाठले. तसेच त्यांच्यावर वैयक्तिक प्रभावाचा वापर केला. लोकसेवक तहसीलदार हवेली यांच्याकडून काम करून देतो, असे सांगत त्यांचा इनामी शेरा रद्द करण्यासाठीचे पत्र मिळवून देण्यासाठी तक्रारदार यांच्याकडे लोकसेवक तहसीलदार यांना देण्यासाठी सहा लाख रूपये लाचेची मागणी केली. तर, इनामी शेरा रद्द करण्यासाठी नोंद घेण्याबाबतचे पत्र मिळवून दिले. याबाबत तक्रारदार यांनी एसीबीकडे तक्रार केली होती. त्याची पडताळणी केली असता दोघांनी लोकसेवक यांच्या नावाने 6 लाख रुपयांची लाच मागितल्याचे निष्पन्न झाले. त्यानुसार त्यांच्यावर गुन्हा दाखल करण्यात आला आहे.व आरोपी क्रमांक १ यास सदर अटक करण्यात आली आहे . अटक आरोपीस मा . विशेष न्यायालयात हजर केले असता गुन्हयाचे तपासकामी दिनांक १८/१२/२०२० रोजीपर्यंत पोलीस कस्टडी रिमांड देण्यात आली असून गुन्हयाचा तपास सुनिल बिले , पोलीस निरीक्षक , ला.प्र.वि.पुणे युनिट हे करत आहेत . सदरची कारवाई पोलीस उप आयुक्त पोलीस अधीक्षक राजेश बनसोडे , ला.प्र.वि. पुणे परिक्षेत्र व . अपर पोलीस अधीक्षक.सुरज गुरव , ला.प्र.वि.पुणे यांचे मार्गदर्शनाखाली पुणे लाचलुचपत प्रतिबंधक विभागाने केली . शासकीय लोकसेवकाने लाचेची मागणी केल्यास त्याबाबत लाचलुचपत प्रतिबंधक विभाग पुणे कार्यालयास १. हेल्पलाईन टोल फ्री क्रमांक १०६४ २. ॲन्टीकरप्शन ब्युरो , पुणे – दुरध्वनी क्रमांक – ०२० – २६१२२१३४ , २६१३२८०२ , २६०५०४२३ ३. व्हॉट्स अॅप क्रमांक पुणे – ७८७५३३३३३३ ४. व्हॉट्सअॅप क्रमांक मुंबई – ९९ ३० ९९ ७७०० ५. क्रमांकावर सपंर्क साधण्याचे आवाहन. राजेश बनसोडे , पोलीस उप – आयुक्त पोलीस अधीक्षक , लाचलुचपत प्रतिबंधक विभाग , पुणे यांनी केले आहे .