पुणे दि १० :- पुणे शहर पोलीस आयुक्तालयातील भरोसा सेलचा दि .०९ / ०१/२०२१ रोजी , दुसऱ्या वर्धापन दिना निमित्ताने बच्चन सिंह , पोलीस उप आयुक्त , गुन्हे पुणे शहर व एस.एम. बोराटे , सहा . पोलीस आयुक्त , गुन्हे , पुणे शहर यांचे उपस्थित भरोसा सेल येथे कार्यक्रम संपन्न झाला . समाजामध्ये महिला , जेष्ठ नागरीक व बालक यांच्यावर लैगिंक भावनीक , मानसिक , आर्थिक स्वरूपाचा अत्याचार होत असतो , यात बळी पडलेल्या महिला , जेष्ठनागरीक व बालक यांना अत्याचारा विरुध्द लढण्याकरीता योग्य मार्गदर्शन व मदत मिळत नाही . त्यामुळे त्यांचे मानसिक / शारिरिक खच्चीकरण होते . या करीता विविध अत्याचारास बळी पडलेल्या महिला , जेष्ठ नागरीक व बालक यांना एकाच ठिकाणी पोलीस , वैद्यकीय , समुपदेशन , विधी तज्ञ व पुनर्वसन इत्यादी सेवांच्या माध्यमातुन अत्याचारा विरुध्द लढण्या करीता मानसिक बळ प्राप्त होवून समाजा मध्ये सुरक्षित स्थान निर्माण करण्याकरीता वरील सर्वकंष सेवांचा अंतर्भाव असलेल्या आधार केंद्राची भरोसा सेलची स्थापना दि .०१ / ०९ /२०१९ रोजी करण्यात आलेली होती . याच धरतीवर दि .०९ / ०१ / २०२१ रोजी दुसरा वर्धापन दिन साजरा करण्यात आला
आहे . श्रीमती.सुजाता शानमे , सहा.पोलीस निरीक्षक यांनी कार्यक्रमाची थोडक्यात रूपरेषा सांगितली तसेच आभार व्यक्त केले.बच्चन सिंह , पोलीस उप आयुक्त सो , गुन्हे यांनी त्यांचे मनोगत व्यक्त केले . तसेच भरोसा सेलच्या समुपदेशीका श्रीमती.प्रार्थना सदावर्ते यांनी भरोसाच्या कामावर आधारीत लिहिलेल्या ‘ आधुनिक पसायदान ‘ या कवितेच्या फलकाचे अनावरण.पोलीस उप आयुक्त , गुन्हे यांचे हस्ते करण्यात आले . तसेच सर्व समुपदेशकांना सन्मानचिन्ह , पुष्पगुच्छ देवून त्यांना सन्मानित करण्यात आले व केक कापुन दुसरा वर्धापन दिन साजरा करण्यात आला . भरोसा सेलच्या दुसऱ्या वर्धापन दिनाच्या कार्यक्रमास श्रीमती सुजाता शानमे , सहा.पोलीस निरीक्षक , श्रीमती.स्वाती केदार , सहा.पोलीस निरीक्षक , भरोसा सेल मधील समुपदेशक , प्रार्थना सदावर्ते , मिनल पोरे , रश्मि जोशी , लिना पाटील , अनुजा जोशी , शुभांगी कदम तसेच भरोसा सेलचे महिला सहाय्य कक्ष , जेष्ठ नागरीक व बालपथक चे सर्व अंमलदार व दामिनी पथक हे उपस्थित होते .