पुणे दि ३० :- सेवानिवृत्त पोलीस अधिकारी व अंमलदार यांच्या नविन वाटचाली साठी पुणे शहर पोलीस आयुक्तअमिताभ गुप्ता, करणार मदत . पोलीस दलामध्ये प्रदिर्घ सेवा बजावून पोलीस दलामधून ३१ डिसेंबर २०२० व जानेवारी २०२१ रोजी सेवानिवृत्त होणाऱ्या ०३ पोलीस अधिकारी व १४ पोलीस अंमलदार अशा एकूण १७ पोलीस अधिकारी व अंमलदार यांचे सेवानिवृत्तीचा कार्यक्रम दि .३० जानेवारी रोजी सकाळी १२.०० ते १२.४० या वेळेत पोलीस आयुक्त कार्यालयाचे कॉप्स एक्सलन्स हॉल मध्ये अमिताभ गुप्ता , पोलीस आयुक्त , पुणे शहर यांचे अध्यक्षतेखाली संपन्न झाला आहे . कार्यक्रमाचे सुत्र संचालन , श्रीमती वर्षा डोंगरे , सहा . पोलीस निरीक्षक , पुणे यानी केले असून , प्रस्तावना . विजय पुराणीक , पोलीस निरीक्षक , कल्याण , मुख्यालय , पुणे यांनी केली.अमिताभ गुप्ता , पोलीस आयुक्त , पुणे शहर यांनी सेवानिवृत्त होणारे पोलीस अधिकारी व अंमलदार यांना शाल , श्रीफळ व भेटवस्तू देवून सन्मानित केले .
वाकुडे , सहा . पोलीस आयुक्त , वाहतूक विभाग , पुणे शहर , बिस्ते , सहा पोलीस निरीक्षक , कोर्ट आवार , मुख्यालय , पुणे शहर , अॅड . वैभव विजय मोगणे सहापोफौ , खांदवे यांचे जावाई , कुमारी एश्वर्या तानाजी निकम , सहा.पो.फौ. निकम यांची मुलगी , कुमारी श्रावणी संभाजी निकम , सहा.पो.फौ. संभाजी निकम यांची मुलगी यांनी आपले मनोगत व्यक्त करुन , पोलीस दलाचे आभार व्यक्त केले . अमिताभ गुप्ता , पोलीस आयुक्त , पुणे शहर यांनी सेवानिवृत्त होणाऱ्या अधिकारी , अमंलदार नातेवाईकांना मार्गदर्शन केले . त्यावेळी त्यांना आपण सर्व सेवानिवृत्त होत असून , आपण कर्तव्यावर असताना जी काही कामे अधुरी राहीलेली आहेत ती पुर्ण करुन , जास्तीत जास्त वेळ कुटुंबाला द्यावा . पोलीस आयुक्त , पुणे शहर यांनी आज रोजी सेवानिवृत्त कार्यक्रमा दरम्यान ज्यांना इतर क्षेत्रामध्ये काम करण्याची इच्छा व गरज आहे . त्यांना त्या त्या क्षेत्रामध्ये काम उपलब्ध करुन देण्यासाठी सक्रीय मदत करण्यासाठी योजना सुरु करत असल्याचे घोषित केले असून , या योजनेसाठी सर्व सेवानिवृत्त अधिकारी व कर्मचारी यांची वैयक्तीक माहिती त्यांच्याकडे असलेल्या विशेष कौशल्य व कोणत्या क्षेत्रात काम करावयाचे आहे याबाबतची माहिती संकलीत करुन त्यांचा बायोडाटा एकत्रीत करुन , शहरातील वेगवेगळ्या उद्योजकांशी व कंपन्यांशी संपर्क साधून , सेवानिवृत्त पोलीस अधिकारी व अंमलदार यांच्या पात्रते प्रमाणे त्यांना नोकरीची संधी उपलब्ध करुन देण्यासाठी संपर्क साधणार असल्याच्या सांगीतले आहे . सेवानिवृत्त पोलीस अधिकारी व अंमलदार यांनी या नविन्यपुर्ण योजनेचे स्वागत केले आहे. सतिश गोवेकर , सहा पोलीस आयुक्त , मासवि , मुख्यालय , पुणे शहर यांनी उपस्थितीत अधिकारी , अंमलदार व त्यांचे कुटूंबिय यांचे आभार प्रदर्शन करुन सर्व कार्यक्रमाचा सार सांगितला असून , सेवानिवृत्त होणारे अधिकारी व अंमलदार यांना पोलीस खात्यकडून काही मदत हवी असल्यास आम्ही तत्पर आहोत अशी ग्वाही दिली आहे . त्यावेळी मा . अमिताभ गुप्ता , पोलीस आयुक्त , पुणे शहर ,जालिंदर सुपेकर , अपर पोलीस आयुक्त , प्रशासन , पुणे शहर , अशोक मोराळे , अपर पोलीस आयुक्त , गुन्हे शाखा , पुणे शहर , मितेश गिट्टे , पोलीस उप आयुक्त , विशेष शाखा , पुणे शहर व श्रीमती स्वप्ना गोरे , पोलीस उप आयुक्त , मुख्यालय , पुणे शहर , सतिश गोवेकर सहा . पोलीस आयुक्त , मानवी संसधन विभाग , पुणे शहर व राखीव पोलीस निरीक्षक , मुख्यालय , पुणे शहर हे उपस्थित होते .