नागरीकांनो,तुम्हाला पोलिसांनची विनंती ‘आहे तुमच्या अपेक्षा भंग झाले असेल तरीही आत्महत्या करू नका’ _पोलिस निरीक्षक चंद्रशेखर यादव यांचे भावनिक आवाहन_

कर्जत दि २८ :- नागरीकांनो आपण संवाद वाढवा, जास्तीत जास्त मित्र वाढवा, आपल्या अडचणी आपले नातेवाईक, मित्र यांच्याशी मोकळेपणे मांडा. पोलिसांना सांगा. कर्जत पोलिस तुमच्यासाठी २४ तास उपलब्ध आहेत . निराशेचा थोडा कालावधी असतो ; तो गेल्यावर सर्व काही व्यवस्थित होते . जीवन संपवण्याचा विचारही मनात आणू नका , ‘ अशी भावनिक साद कर्जतचे पोलिस निरीक्षक चंद्रशेखर यादव यांनी घातली आहे . मागील पंधरा दिवसांच्या कालावधीत कर्जत तालुक्यातील विविध भागांत घडलेल्या आत्महत्येच्या घटनांनी समाजमन हादरून गेले आहे . विविध कारणांमुळे नैराश्याच्या
सापडलेल्यांकडून आत्महत्येसारखे पाऊल उचलले जात आहे . त्यात भर म्हणून की काय , सामूहिक आत्महत्यांचा प्रकार चिंतेची बाब बनला आहे . सध्या गुन्हेगारी रोखण्यासाठी कर्जत पोलिसांकडून प्रभावी उपाययोजना राबविल्या जात आहेत . काही आत्महत्यांची कारणे समोर आणण्यासाठी पोलिस प्रयत्नांची पराकाष्ठा करीत आहेत . मात्र , आत्महत्येसारखे टोकाचे पाऊल उचलताना नातेवाईक , मित्र , पोलिस यंत्रणेतील अधिकारी – कर्मचाऱ्यांशी मोकळेपणाने चर्चा केल्यास आत्महत्यांच्या घटनांना नक्कीच लगाम बसेल , असा आशावाद यादव मांडा . त्यातून यांनी व्यक्त केला . आत्महत्या केल्यानंतर संबंधित व्यक्तीच्या कुटुंबाला अनेक संकटांना तोंड द्यावे लागते . आत्महत्येचा विचार मनात आल्यास नातेवाईक , मित्र , पोलिसांकडे समस्या सकारात्मक मार्ग नक्कीच निघेल . कर्जत पोलिसांकडून आत्महत्यांच्या घटनांना आळा घालण्यासाठी प्रयत्न केले जात आहेत . पोलिस हे आपले मित्र आहेत , असे समजून त्यांना आपल्या अडचणी प्रत्यक्ष – अप्रत्यक्षपणे कळविण्याचे आवाहनही यादव यांनी केले आहे .