श्रीगोंदा दि १६:- :-कोरोनाचा वाढता प्रभाव लक्षात घेऊन मढेवडगांव ग्रामपंचायतीने संपूर्ण मढेवडगांव नऊ दिवस बंद ठेवण्याचा निर्णय घेतला आहे.श्रीगोंदयात कोरोनाचा प्रादुर्भाव पुन्हा एकदा वेगाने पसरू लागला आहे.यामुळे प्रशासन देखील सतर्क झाले असून याला रोखण्यासाठी कडक उपाययोजना करण्यात येत आहे.
नुकतेच नगर जिल्ह्यातील दक्षिणेकडील भागात कोरोनाचा प्रभाव अधिक दिसून येत आहे. नुकतेच श्रीगोंदा तालुक्यातील मढेवडगांव येथे कोरोना विषाणूचे २ दिवसात १४ ते १५ जण रुग्ण निघाल्यामुळे मढेवडगांव ९ दिवस मेडिकल, दवाखाने, बँक सेवा वगळता १०० टक्के बंद राहील, असे मढेवडगांव ग्रामपंचायतच्या वतीने दुकानदारांना नोटीस देऊन सूचना देण्यात आल्या आहेत.
गावातील वाढती रुग्णसंख्या पाहता सरपंच महानंदा मांडे व ग्रामविकास माने भाऊसाहेब यांनी शुक्रवार दि.१६ एप्रिल ते शनिवार दि.२४ एप्रिल पर्यंत ९ दिवस फळ,भाजीपाला,किराणा दुकान,चिकन-मटण व फेरीवाल्यांसह १०० टक्के गाव बंद राहील.
यामध्ये अत्यावश्यक सेवा म्हणून दवाखाना व मेडिकल दिवसभर सुरू राहील तर दूध डेअरी ६ ते ८पर्यंत चालू राहील.असा निर्णय ग्रामपंचायतने घेतला आहे. प्रशासन व आरोग्य विभागाला सहकार्य करावे.
अन्यथा गाव बंदचे उल्लंघन केल्यास आपत्ती व्यवस्थापन कायद्यानुसार कारवाई करण्यात येईल. यामुळे या आदेशाचे पालन करणे सर्व ग्रामस्थांची जबाबदारी आहे.असे ग्रामपंचायतचे सरपंच व ग्रामविकास अधिकारी यांनी आवाहन केले आहे.
यावेळी मढेवडगांव येथील सर्व दुकान व्यावसायिक एकत्रित आले होते. कोरोना विषाणूचा प्रादुर्भाव रोखण्यासाठी ग्रामसुरक्षा समितीने गाव बंद ठेवण्याचा निर्णय घेतला आहे.
मढेवडगांव येथे कोरोनाचे रुग्ण वाढत आहेत. कोरोना अधिकृत संख्या कमी असली तरी संपर्कात आलेले लोक टेस्टिंगसाठी पुढे येत नाहीत.आजारी असेल, तर खासगी डॉक्टरकडे जातात. औषधे घेतात आणि घरीच राहतात. मात्र, कोरोना टेस्टिंग करून घ्यायला पुढे कोणी येत नाही. दिपक गाडे, ग्रा.पं.सदस्य मढेवडगांव
श्रीगोंदा प्रतिनिधी :-विजय कुंडलिक मांडे