कर्जत दि ०४ :- तालुक्यातील मिरजगावच्या शिवारात कडा रोडच्या बाजुला पत्र्याचे शेडमध्ये कर्जत पोलिसांनी जुगार अड्ड्यावर छापा टाकून २० जुगारींना अटक केली आहे.पोलिसांनी दिलेल्या माहितीनुसार काल दि.३ जुलै रोजी दुपारी सव्वादोनच्या सुमारास पोलिसांनी ही मोठी कारवाई केली. पोलिसांनी जुगारींकडून रोख रक्कम व जुगार खेळण्याचे साहित्य जप्त केले. जुगार अड्ड्यावर कर्जत पोलिसांची ही सर्वात मोठी कारवाई आहे.मिरजगावच्या शिवारात कडा रोडच्या बाजुला पत्र्याचे शेडमध्ये आरोपी हे गोलाकार बसुन तिरट नावाचा हार जितीचा जुगार खेळताना व खेळविताना आढळून आले. पोलिसांनी छापा टाकून आरोपींकडून ४८ हजार २० रुपये रोख रक्कम व १ हजार रुपये किंमतीचे तिरट नावाचा हार जितीचा जुगार खेळण्यासाठी लागणारे साहित्य असा एकूण ४९०२० रुपयांचा मुद्देमाल जप्त करण्यात आला आहे. क्लबचा मालक स्वप्निल संभाजी कु-हाडे याच्यासह २१ आरोपींवर पोलीस कॉन्स्टेबल सुनिल दिलीप खैरे यांच्या फिर्यादीवरून जुगार कायद्यान्वये गुन्हा दाखल करण्यात आला आहे.याप्रसंगी कर्जत पोलिस ठाण्यात गोटीराम दत्तात्रय अजबे,रा.शिराळ ता.आष्टी जि.बीड, शिवाजी भिमराव धोत्रे, रा.शिराळ ता.आष्टी जि.बीड सुनिल विष्णु इंगळे रा. मिरजगाव ता.कर्जत जि.अ.नगर,अशोक नामदेव जाधव रा.घुमरी ता.कर्जत जि.अ.नगर,कैलास भाउसाहेब तनपुरे रा. मिरजगाव ता. कर्जत जि.अ.नगर, विलास दगडु अजबे रा.शिराळ ता.आष्टी जि.बीड,बालाजी प्रभु कुदाले,रा. मिरजगाव ता. कर्जत जि.अ.नगर, राजेंद्र हिरालाल शेळके, रा. लिंमगाव चोभा ता.आष्टी जि.बीड,चंद्रकांत खुशाबा चांडे,रा.शिराळ ता.आष्टी जि.बीड,मच्छिंद्र पांडुरंग दुधावडे, रा.लिंमगाव चोभा ता.आष्टी जि.बीड, नवनाथ लक्ष्मण लष्करे,रा. बहिरोबावाडी ता.कर्जत,बाळु पांडुरंग पवार, रा.शिराळ ता.आष्टी जि.बीड,कचरु दगडु आजबे, रा.शिराळ ता.आष्टी जि.बीड,रेवनाथ भिमराव सरपते, रा.शिराळ,ता.आष्टी जि.बीड, महंमद युनूस शेख रा.मुर्शदपुर ता.आष्टी जि.बीड संभाजी शिवाजी कु-हाडे रा. मिरजगाव ता.कर्जत, हनुमंत सिताराम बुधीवंत, रा.शिराळ ता.आष्टी जि.बीड मच्छिंद्र धोंडीबा कर्डीले रा.कडा ता.आष्टी जि.बीड, रतन बबन नलवडे, रा.हिंगणे ता.आष्टी जि.बीड, राजेंद्र हिरालाल घोडके, रा.मिरजगाव ता.कर्जत,स्वप्निल संभाजी कु-हाडे रा.मिरजगाव ता. कर्जत या २१ जणांवर जुगार कायद्यान्वये गुन्हा दाखल करण्यात आला आहे.सदरची कारवाई ही कर्जतचे उपविभागीय पोलीस अधिकारी अण्णासाहेब जाधव यांच्या मार्गदर्शनाखाली पोलीस निरीक्षक चंद्रशेखर यादव , सहाय्यक पोलीस निरीक्षीक सुरेश माने, पोलीस उपनिरीक्षक अमरजीत मोरे, पोलीस अंमलदार पांडुरंग भांडवलकर, श्याम जाधव, सुनिल खैरे, सचिन वारे, गोवर्धन कदम, बबन दहिफळे, ईश्वर माने, गणेश काळाने यांनी केली आहे. पुढील तपास बबन दहिफळे करत आहेत.
श्रीगोंदा प्रतिनिधी :-विजय कुंडलिक मांडे