पुणे दि.१३ :- महानगर नियोजन समिती सदस्य म्हणून निवडून सदस्यांची यादी विभागीय आयुक्त कार्यालयाच्या सूचना फलकावर तसेच संकेतस्थळावर प्रसिद्ध करण्यात आली आहे.
महाराष्ट्र महानगर नियोजन समिती पूढे चालू ठेवणे अधिनियम १९९९ अंर्तगत महाराष्ट्र महानगर नियोजन समिती (निवडणूक) नियम २००५ मधील तरतूदीनुसार पुणे महानगर नियोजन समिती निवडणूक २०२१ विभागीय आयुक्त यांचे निर्देशनाखाली, अधिक्षणाखाली व नियंत्रणाखाली १२ नोव्हेंबर रोजी झाली. निवडणूकीचा निकाल निवडणूक निर्णय अधिकारी तथा जिल्हाधिकारी पुणे यांनी १२ नोव्हेंबर रोजी नमुना ५ मध्ये जाहीर केला आहे.
महानगर नियोजन समिती सदस्य म्हणून निवडून आलेल्या सर्व सदस्यांच्या त्यांच्या कायम पत्त्यासह आणि ज्या निर्वाचन क्षेत्रामधून ते निवडून आले असतील त्या निर्वाचन क्षेत्राच्या नावासह यादी विभागीय आयुक्त कार्यालयाच्या सूचना फलकावर आणि www.divcommpune.in या संकेतस्थळावर प्रसिद्ध केली असल्याचे विभागीय आयुक्त सौरभ राव यांनी कळविले आहे.