पुणे, :- दि,२२ राेजी हिरकणी सभागृह , पाेलीस मुख्यालय, शिवाजीनगर , पुणे येथे पुणे पाेलीस आयुक्तालय वार्षिक गुन्हे विषयक पत्रकारपरिषदमध्ये पुणे शहराचे पोलीस आयुक्त डॉ. के. वेंकटेशम यांनी पुण्यातील वार्षिक गुन्हेगारीचा अहवाल सादर केला. यावेळी शहरात गुन्हेगारीचे प्रमाण कमी करण्यावर भर
असून नागरिकांना केवळ आकडेवारीच्या माध्यमातून दिलासा न देता आता गुन्ह्याच्या पारंपरिक तपासपद्धतीपेक्षा माहिती व तंत्रज्ञानाच्या मदतीने अधिक ‘टेक्नोसॅव्ही’ होण्याकडे पुणे पोलीस प्रशासन लक्ष केंद्रीत करणार आहे. २०१७ च्या तुलनेत २०१८ च्या ‘कन्व्हिक्शन रेट’ (गुन्हासिद्धतेच्या प्रमाणात) ९ टक्क्यांनी वाढ झाली आहे. त्याची एकूण टक्केवारी ३९.३५ इतकी आहे. यापुढील काळात शहरात शांतता व सुरक्षिततेबरोबरच गुन्हेगारी कमी करण्याकरिता पोलीस प्रशासनाकडून दोन टीमची निर्मिती करण्यात आली आहे. पोलिसांबरोबरच नागरिकांच्या सहभागाने गुन्हेगारीला आळा घालण्याचा प्रयत्न करण्यात येणार आहे.
शुक्रवारी पुणे शहराचे पोलीस आयुक्त डॉ. के. वेंकटेशम यांनी पुण्यातील वार्षिक गुन्हेगारीचा अहवाल सादर केला. यावेळी सहपोलीस आयुक्त शिवाजी बोडखे उपस्थित होते. अहवाल प्रसिद्ध करताना शहरातील गुन्हेगारीचे प्रमाण, गुन्हेसिद्धता आणि भविष्यकाळात प्रशासनाकडून उचलण्यात येणाऱ्या पावलांविषयी त्यांनी माहिती दिली. ते म्हणाले, प्रॉसिक्युशन आणि इव्हेस्टिगेशन अशा दोन टीमची निर्मिती केली आहे. गुन्हेगारीतील काही मुद्द्यांचा बारकाईने अभ्यास केल्यास त्यात कौटुंबिक समस्या मोठ्या प्रमाणात असल्याचे दिसून येते. त्याकरिता महिला सहायक क्षेत्राचे कार्यक्षेत्र अधिक व्यापक करणार आहे. अधिकाºयांचे मनोबल, त्यांचा दृष्टिकोन व त्यांचे व्यक्तिमत्व विकास होण्याकरिता विविध कार्यक्रम हाती घेतले जाणार आहेत. पुढील काळात शहरात सीसीटीव्हीचे जाळे वाढविण्यावर भर असेल. नागरिकांना केवळ सांख्यिकीयदृष्ट्या गुन्हेगारी कमी झाली, असे सांगण्यापेक्षा त्यांचा पोलीस
प्रशासनात भावनात्मकदृष्या सहभाग कशा पद्धतीने वाढेल, याकडे लक्ष देण्यात येणार असल्याचेही त्यांनी यावेळी स्पष्ट केले. पुणे पोलिसांनी मागील दोन वर्षांत 273 गुडांवर तडीपारीची कारवाई केली होती. यातील तब्बल 200 गुन्हेगार पुन्हा शहराच्या हद्दीत आढळले. काही तडीपार गुंडांनी तडीपारीच्या आदेशाचा भंग करत गुन्हे ही केले आहे.
पुणे पोलीस प्रशासन : २०१८ च्या वार्षिक अहवालातील महत्त्वाचे मुद्दे
खून, खुनाचा प्रयत्न, सदोष मनुष्यवध, हयगयीने मृत्यू आणि नवविवाहित अशा भाग १ ते भाग ५ पर्यंतमध्ये मागील वर्षभरात केलेल्या तपासअंती समोर आलेले नित्क र्ष म्हणजे या गुन्ह्यांमधील ‘कन्व्हिक्शन रेट’ २०१८ मध्ये ६६.७५ टक्के इतका आहे. याच वर्षी खुनाचे ७२ गुन्हे दाखल झाले असून त्यातील ७१ गुन्हे उघड झाले आहेत. मागील दहा वर्षे खुनाप्रकरणातील
दोषींना शिक्षेचे प्रमाण ९४ टक्के होते. २०१८ मध्ये त्याची टक्केवारी ९९ टक्के इतकी आहे. चोरीच्या प्रकरणातील
गुन्हा उघडकीचे प्रमाण देखील ८२ टक्के इतके आहे. एकूण मालमत्तेचे ४५२४ गुन्हे दाखल करण्यात आले यापैकी १७६९ उघड झाले.
2सायबर गुन्ह्यातदेखील पोलिसांनी एकूण १७५ गुन्हे दाखल केले. त्यात १०० आरोपी पकडण्यात आले. तर प्रशासनाकडे ११ लाख ५१ हजार ६०० रुपयांची रक्कम जमा झाली. तर २४० बिटकॉईन, ९१ इथेरियम जमा झाले. २०१७ मध्ये सायबरचे गुन्ह्यात २१४ गुन्हे दाखल करण्यात आले. त्यापैकी ९० आरोपींना अटक करण्यात आली. गुन्ह्यांमधून जमा करण्यात आलेली रक्कम ६ कोटी ७९ लाख १६ हजार ४७६ एवढी होती.
3शहरात मागील दोन वर्षांत व्हीआयपी व्यक्तींच्या दौºयात मोठ्या संख्येने वाढ झाली आहे. २०१७ मध्ये १०८६ तर २०१८ मध्ये १७१५ व्हीआयपी दौºयांची नोंद करण्यात आली आहे. २०१४ (४४५), २०१५ (६०५), २०१६ (६४८) याप्रमाणे व्हीआयपी दौरे पार पडले. शहरात वाहतूक व सुरक्षेच्या दृष्टीने बसविण्यात आलेल्या सीसीटीव्हीच्या माध्यमातून १०१ गुन्हे दाखल करण्यात आले, त्यातून ३४२ आरोपींना अटक करण्यात आले असून त्यातून ७४ लाख ९४ हजार १७० रुपयांचा मुद्देमाल हस्तगत करण्यात आला. तर २०१७ मध्ये उघडकीस आलेले गुन्हे १०९, अटक आरोपी १४९ तर २१ लाख ७ हजार ८०० रुपयांचा मुद्देमाल हस्तगत करण्यात आला.
२०१८ मधील गंभीर गुन्ह्यांची आकडेवारी; कंसात उघडकीस गुन्हे
खून ७२ (७१), खुनाचा प्रयत्न १२८ (१२८), सदोष मनुष्यवध ५ (५), हयगयीने मृत्यू २६७ (२१५), नवविवाहिता १९ (१९), दरोडा २७(२६), दरोड्याची तयारी १७(१७), जबरी चोरी ३३६(२२७), चेन चोरी १०५(७६), इतर जबरी चोरी २३१(२०१), दिवसा घरफोडी १३६(६१), रात्री घरफोडी ४६४(२११), सर्व प्रकारची चोरी (३५४ (११७७), सायकल चोरी ४७ (१५), वाहनचोरी १९६६(५७६), वाहन पार्ट चोरी ९(३), पॉकेट चोरी १६(६), विश्वासघात ८१(७१), फसवणूक ६९५(५८०), दंगा २३२(२२८), बलात्कार २३६(२३६), विनयभंग ५०९ (५०९), अमली पदार्थ ७६(७६), जुगार ३१७ (३१७)
वर्ष आणि गुन्हेशाबितीचे (गुन्हेसिद्धता
व गुन्हेगारांना शिक्षा होण्याचे प्रमाण)
२०१२ (१९.२३ %), २०१ (१३.३३ %),
२०१४ (९.८८ %), २०१५ (१५.८९%),
२०१६ (३६.३१%), २०१७ (२९.७६%),२०१८(३९.३५)
