पुणे ग्रामीण,दि.८:- पुणे ग्रामीण हद्दीतील शिक्रापूर पोलीस स्टेशन येथील सणसवाडी येथे पान विक्री करणाऱ्या दोन पान दुकानांवर शिक्रापूर पोलिसांनी छापा टाकत अटक केली आहे. नशेली पानांची विक्री करणाऱ्या पान टपरी धारकांचे पुण्यात धाबे दणाणले आहेत. या कारवाईत गौरव पांडुरंग खळदकर व चंद्रकांत बापू मोहिते या दोघांवर अटक केली आहे.
याबाबत शिक्रापूर पोलिसांकडून मिळालेल्या माहितीनुसार सणसवाडी ता. शिरुर येथील मुख्य चौकत काही पान दुकानांमध्ये नशा येणारे पान विक्री केली जात असल्याची माहिती पोलीस निरीक्षक दिपरतन गायकवाड यांना मिळाली, त्यांनतर सहाय्यक पोलीस उपनिरीक्षक जितेंद्र पानसरे, पोलीस शिपाई जयराज देवकर, निखील रावडे यांनी सणसवाडी येथे जात छापा टाकला ,या कारवाईत सरदार पान शॉप व पाटील पान दरबार शॉप येथे पानामध्ये नशा येणारे अशी उग्र वासाची मानवी जीवितास धोका निर्माण करणारी पावडर टाकून पानांची विक्री केली जात असल्याचे निदर्शनास आले, यावेळी पोलिसांनी दोन्ही ठिकाणांहून पावडर जप्त करत पान दुकानदारांना ताब्यात घेतले.
शिक्रापूर पोलीस स्टेशनचे पोलीस शिपाई जयराज वसंत देवकर रा. शिक्रापूर ता. शिरुर जि. पुणे यांनी शिक्रापूर पोलीस स्टेशन येथे फिर्याद दिल्याने पोलिसांनी सरदार पान शॉपचे चालक गौरव पांडुरंग खळदकर वय २८ वर्षे रा. बजरंगवाडी शिक्रापूर ता. शिरुर जि. पुणे मूळ रा. खळद ता. पुरंदर जि. पुणे व पाटील पान दरबार शॉपचे चालक चंद्रकांत बापू मोहिते वय २८ वर्षे रा. सणसवाडी ता. शिरुर जि. पुणे या दोघांवर गुन्हे दाखल करत त्यांना अटक केली आहे पुढील तपास पोलीस निरीक्षक दिपरतन गायकवाड यांच्या मार्गदर्शनाखाली सहाय्यक पोलीस निरीक्षक केशव वाबळे हे करत आहे.
