मुंबई दि,१६:- मुंबईतल्या डोंगरी भागात चार मजली इमारत कोसळली आहे. घटनेची माहिती मिळताच अग्निशमन दलाच्या गाड्या येथे दाखल झाल्या आहेत. एनडीआरएफच्या पथकालाही पाचारण करण्यात आले आहे. ढिगाऱ्याखाली अनेकजण अडकल्याची शक्यता व्यक्त करण्यात येत आहे. जवळपास 40 ते 45 जण अडकल्याची भीती व्यक्त होते आहे.
डोंगरी येथे तांडेल स्ट्रीटवरील केसरबाई इमारतीचा काही भाग कोसळला. या इमारतीखाली 40 ते 45 लोक दबल्याची भीती व्यक्त केली जात आहे. या दुर्घटनेची माहिती मिळताच अग्निशमन दलाचे जवान घटनास्थळी दाखल झाले असून बचाव कार्यास सुरुवात करण्यात आली आहे. दरम्यान, घटनास्थळी एनडीआरएफ, पोलीस आणि अग्नीशमन दलाचे जवान मदतकार्यासाठी दाखल झाले आहेत. या इमारतीत जवळपास 15 कुटुंबांचे वास्तव्य होते. सकाळी 11.30 च्या सुमारास ही दुर्घटना घडली आहे.
बाळू राऊत प्रतिनिधी