पुणे दि,१० : -पुणे शहरातून सांगली शहरातील पूरग्रस्त भागाच्या स्वच्छ्तेसाठी पुणे महापालिकेच्या घनकचरा व्यवस्थापन विभागाच्या स्वच्छते साठी काल ८५ सेवक पाठवण्यात आले आहेत त्यामध्ये एक जेटिंग मशीन ची गाडी व १ युटिलिटी व्हॅन चा समावेश आहे सदर सेवकाकडून आवश्यक ती सर्व साफसफाई करणे व पूरग्रस्तांना मदत करणे ही सर्व कामे केली जाणार आहेत.माहिती महापालिकेच्या घनकचरा व्यवस्थापन विभागाचे प्रमुख ज्ञानेश्वर मोळक यांनी दिली.
सांगली आणि कोल्हापूर शहरातील पूरस्थिती ओसरण्यास सुरूवात झाल्यानंतर या शहरांच्या स्वच्छताही मोठया प्रमाणात करावी लागणार आहे. त्यामुळे विभागीय आयुक्त डॉ. दिपक म्हैसेकर यांनी महापालिकेने स्वच्छता कर्मचारी उपलब्ध करून देण्याचे महापालिकेस सुचविले होते. मात्र, शहरातही पूरस्थिती तसेच पाऊस सुरूच असल्याने या बाबत पालिकेकडून निर्णय घेण्यात आला नव्हता. मात्र, सामाजिक बांधिलकी तसेच या दोन्ही शहरांवर आलेली आपत्ती लक्षात घेता, सामाजिक दातित्त्व म्हणून महापालिकेने पुढे येत अखेर ८५ स्वच्छता कर्मचारी सांगली शहराच्या स्वच्छतेसाठी पाठविण्यात आले आहे.व पुढील तीन ते चार दिवस ते सांगली शहराच्या स्वच्छतेसाठी सांगली-मिरज-कुपवाड महापालिकेस मदत करणार आहेत. मा.श्री सौरव राव आयुक्त यांचे मार्गदर्शनाखाली श्री ज्ञानेश्वर मोळक व श्री माधव जगताप यांनी नियोजन केले.आहे