निरा नरसिंहपुर दि .७ :- उजनी धरणाच्या पाटलोट क्षेत्रात वाळू माफियांनी पुन्हा डोके वर काढले असतानाच इंदापूर च्या तहसीलदार सोनाली मेटकरी यांनी महसूल विभागाच्या मदतीने धाडसी कारवाई करत उजनी धरणाच्या पाटलोट क्षेत्रात अवैधरित्या वाळू उपसा करणा-या पंधरा बोटी जिलेटीनच्या सहाय्याने उडवल्या. यामध्ये जवळपास पन्नास लाख रुपयांचा मुद्देमाल नष्ट केला.या कारवाई ने वाळू माफियांचे कंबरडे मोडले
आहे. उजनी पाणलोट क्षेत्रातील भिगवण, तक्रारवाडी, कुंभारगाव या भागात ही कारवाई करण्यात आली आहे. काही दिवसांपूर्वीच तहसीलदार सोनाली मेटकरी यांच्यावर अपघात घडवून जीवे मारण्याचा प्रयत्न वाळू माफियांनी केला होता, यात मेटकरी या सुदैवाने वाचल्या होत्या, या संदर्भात इंदापूर पोलिस ठाण्यात गुन्हा.ही दाखल झाला होता. ही घटना ताजी असताना देखील निर्ढावलेले वाळूमाफियांनी उजनी धरणाच्या पाणलोट क्षेत्रात वाळूच्या अवैधरित्या उपसा चालूच ठेवला होता, आज तहसीलदार सोनाली मेटकरी व त्यांच्या महसूलच्या टीमने इंदापूर तालुक्यातील भिगवण, तक्रारवाडी, कुंभारगावं भागात कारवाई करीत 15 बोटी जिलेटीन च्या सहाय्याने उध्वस्त केल्या आहेत, ही कारवाई सध्या अशीच सुरू आहे, त्यामुळे वाळू माफियांचे धाबे दणाणले आहेत,या कारवाईत पन्नास लाखाहून अधिक मुद्देमाल वाळू माफियांचा नष्ट झालेला आहे.उजनीच्या पाणलोट क्षेत्रात अवैधरित्या वाळूची तस्करी महसूल विभागाच्या डोळ्यात धुळ टाकत निर्धास्तपणे चालू आहे. अवैध वाळू उपसा करणा-यांच्या फक्त बोटी जिलेटीनच्या सहाय्याने उडवल्या जातात. मात्र शासनाने वाळू उपसा करणा-य बोटी चे मालक,बोटीचे चालक व वाळू उपशाला प्रोत्साहन देणा-या, पाठराखण करणा-यावर गंभीर गुन्हे दाखल करण्यात यावेत, अशी मागणी होत आहे.
प्रतिनिधी :- बाळासाहेब सुतार