नीरा नरसिंहपूर दि.१४ :- शहाजीनगर(ता.इंदापूर) येथील निरा भिमा सहकारी सहकारी साखर कारखान्याची सन 2020 ते 2025 साठी संचालक मंडळाची निवडणूक बिनविरोध झाली आहे.कारखान्याच्या पंचवार्षिक निवडणुकीसाठी 20 जागांसाठी 20 उमेदवारी अर्ज शिल्लक राहिले आहेत. उमेदवारी अर्ज दाखल करणाऱ्यांमध्ये कारखान्याचे संस्थापक, भाजपचे नेते व माजी मंत्री हर्षवर्धन पाटील यांचा समावेश आहे.
राज्याचे माजी सहकार मंत्री हर्षवर्धन पाटील हे या कारखान्याचे संस्थापक आहेत. स्थापनेपासून कारखान्याची 20 वर्षे निवडणूक बिनविरोध होत आहे.कारखान्याची निवडणूक बिनविरोध होणेसाठी माजी मंत्री हर्षवर्धन पाटील व इंदापूर कृषी उत्पन्न बाजार समितीचे सभापती अप्पासाहेब जगदाळे यांनी परिश्रम घेतले.इंदापूर तहसील कार्यालयात सोमवारी (दि.13 जानेवारी) उमेदवारी अर्जांची छाननी झाली. यामध्ये अपक्ष उमेदवाचा एक अर्ज बाद झाला. त्यामुळे 20 जागांसाठी 20 उमेदवारांचे अर्ज शिल्लक राहिल्याने कारखाना निवडणूक बिनविरोध झाली आहे. मात्र दि.28 जानेवारी ही उमेदवारी अर्ज मागे घेण्याची अधिकृत मुदत असल्याने बिनविरोध निवडणुकीची घोषणा करणेची केवळ औपचारीकता शिल्लक राहिलेली आहे.
नीरा-भीमा कारखान्याने स्थापनेपासून चांगले कामकाज करीत 20 वर्षांमध्ये शेतकर्यांचा विश्वास संपादन केलेला आहे . तसेच सध्या राज्यातील साखर कारखानदारी अडचणीत असल्याची जाण शेतकऱ्यांना आहे. या पार्श्वभूमीवर कारखाना कार्यक्षेत्रातील 46 गावांमधील सभासदांनी व व ऊस उत्पादक शेतकऱ्यांनी निवडणूक बिनविरोध करणेकरिता सहकार्याची भूमिका घेतली.
बिनविरोध निवड झालेले संचालक मंडळ पुढील प्रमाणे:- हर्षवर्धन शहाजीराव पाटील, राजवर्धन हर्षवर्धन पाटील, प्रतापराव सर्जेराव पाटील, उदयसिंह विलासराव पाटील, प्रकाश शहाजी मोहिते, संजय तुळशीराम बोडके, हरिदास मारुती घोगरे, दादासो उत्तम घोगरे, मच्छिंद्र संताराम वीर, दत्तात्रय रामचंद्र शिर्के, लालासो देविदास पवार,कृष्णाजी दशरथ यादव, बबनराव आनंता देवकर,भागवत भानुदास गोरे,दत्तू यशवंत सवासे,चंद्रकांत रामचंद्र भोसले,संगिता दत्तात्रय पोळ,जबीन कमाल जामदार, कांतीलाल शिवाजी झगडे,विलास रामचंद्र वाघमोडे. बारामतीचे प्रांताधिकारी दादासाहेब कांबळे हे निवडणूक निर्णय अधिकारी म्हणून काम पाहत आहेत.
निरा प्रतिनिधी :-बाळासाहेब सुतार