पुणे,दि.२२ :- पुणे विद्यापीठ चौक येथे मुख्य जलवाहिनीच्या मंगळवार, दि. २४ मार्च २०२६ रोजी दुरुस्तीचे काम हाती घेतले जाणार आहे. या कामामुळे शहरातील काही भागांमध्ये पाणीपुरवठा बंद राहणार असल्याची माहिती पुणे महानगरपालिका पाणीपुरवठा विभागाने दिली आहे.
सेनापती बापट रोड (डावी व उजवी बाजू), आशानगर, गोखले नगर, बहिरटवाडी, भोसले नगर, केशरकर वाडी, औंध-बाणेर, मॉडर्न कॉलेज परिसर, मॉडेल कॉलनी, चिकलवाडी बोपोडी आदी भागांमध्ये पाणीपुरवठा खंडित राहील.
दरम्यान, बुधवार दि. २५ मार्च २०२६ रोजी पाणीपुरवठा पूर्ववत सुरू होणार असून सुरळीत होण्यास काही वेळ लागू शकतो. त्यामुळे नागरिकांनी पाणी जपून वापरावे, असे आवाहन पाणीपुरवठा विभाग कडून करण्यात आले आहे.
