पुणे ०२ : – पाषाण तलाव जवळील मुंबई हायवे बेंगलोर सर्व्हिस रोड च्या बाजूला लघुशंकेसाठी थांबलेली असताना दोन अनोळखी इसम मोटरसायकलवरून येऊन लुटल्याचा धक्कादायक घटना समोर आली आहे. शनिवारी दि ३० रोजी रात्री १०:३० वाजण्याच्या सुमारास ही घटना घडली आहे.याप्रकरणी ओंकार व्हरकट (वय २६, रा. मानाजीनगर, नऱ्हे) याने फिर्याद दिली आहे. त्यानुसार चतुःश्रुंगी पोलीस ठाण्यात जबरी चोरीचा गुन्हा दाखल करण्यात आला आहे.पोलिसांनी दिलेल्या माहितीनुसार, फिर्यादी तरुण हा एका नामांकित महाविद्यालयात शिक्षण घेतो. तो नऱ्हे परिसरात मित्रासोबत राहतो. शनिवारी रात्री मित्रासोबत जेवण्यासाठी गेला होता. जेवण केल्यानंतर तो बंगळुरू-मुंबई महामार्गावरून दुचाकीवरून त्याच्या खोलीकडे निघाला होता.
पाषाण तलावाजवळ आल्यानंतर तो लघुशंकेसाठी थांबला होता. त्यावेळी दुचाकीवरून दोघे आले. तसेच पाठीमागून पकडून जवळ काय आहे ते काढून देण्याची धमकी दिली. तसेच, गळ्यातील ४५ हजार रूपये किंमतीची सोन्याची साखळी जबरदस्तीने काढून घेतली. त्यानंतर आरोपी दुचाकीवरून पसार झाले. व पुढील तपास स.पो.निरी. समीर चव्हाण करीत आहेत
पुणे पाषाण तलावाजवळ थांबलेल्या विद्यार्थ्याला लुटले
Please login to join discussion