पुणे दि ०१ :- पाषाण सुस खिंडीत तरुणाच्या खूनाचे गूढ उकलण्यात चतुर्श्रुंगी पोलिसांना यश आले आहे. प्रेमप्रकरणातून एकाचा गळ्यावर वार करून व चेहरा दगडाने ठेचत खून केल्याचे उघडकीस आले आहे. त्यानंतर त्याचा मृतदेह सुस खिंडीत टाकला होता. याप्रकरणी रविराज क्षीरसागर (वय 35) याला पोलिसांनी अटक केली आहे. सुदर्शन उर्फ बाल्या बाबुराव पंडीत (वय 30, रा. शिवनगर, सुतारवाडी, मूळ रा. जानेपळ,जि. जालना) असे खून झालेल्याचे नाव आहे.
पोलिसांनी दिलेल्या माहितीनुसार, सुदर्शन हा मूळचा जालना जिल्ह्यातील असून सुतारवाडी भागात पेईंग गेस्ट म्हणून राहत होता. दीड वर्षांपासून तो पुण्यातील राष्ट्रीय रासायनिक प्रयोगशाळेत (एनसीएल) रसायनशास्त्र विषयात पीएचडी करत होता.डेटिंगसाईडवर सुदर्शन आणि रविरराजची ओळख झाली होती. त्यानंतर त्यांच्यात प्रेमसंबंध निर्माण झाले होते. मात्र, काही कारणावरून त्यांच्यात वाद झाले होते. त्यानंतर शुक्रवारील ते दोघे सुस खिंडीत गेल्यानंतर रविराजने सुदर्शनचा गळा चिरला. त्यानंतर पुरावा नष्ट करण्यासाठी त्याच्या चेहरा दगडाने ठेचून विद्रूप केला.पाषाण सूस खिंडीत शनिवारी सकाळी मॉर्निंग वॉकसाठी गेलेल्या काही नागरिकांना तरूणाचा मृतदेह दिसून आला होता. त्यांनी घटनेची माहिती पोलिसांना दिल्यानंतर चतुर्श्रुंगी पोलिसांसह गुन्हे शाखेच्या पथकांनी घटनास्थळी धाव घेत तपास सुरू केला होता. तरूणाच्या खिशात पैशांचे पाकीट सापडल्याने कागदपत्रांमधून त्याची ओळख पटविण्यात आली होती. त्यानंतर पोलीसांकडून प्रकरणाचा कसून तपास करण्यात येत होता. खबऱ्याच्या माहितीनुसार, चतुःशृंगी पोलिसांनी रविराजला ताब्यात घेतले. चौकशीत त्याने खुनाची कबुली दिली आहे. ही कामगिरी अपर पोलीस आयुक्त नामदेव चव्हाण, पोलीस उपायुक्त पंकज देशमुख यांच्या मार्गदर्शनाखाली सहायक पोलीस आयुक्त रमेश गलांडे, वरिष्ठ पोलीस निरीक्षक अनिल शेवाळे, पोलीस निरीक्षक दादासाहेब गायकवाड, पोलीस उपनिरीक्षक मोहनदास जाधव, पोलीस उपनिरीक्षक महेश भोसले, प्रकाश आव्हाड, सुधाकर माने, ज्ञानेश्वर मुळे, संतोष जाधव, आशिष निमसे, ज्ञानेश्वर मुळे, गडाकुंश, प्रमोद शिंदे, तेजस चोपडे, संतोष जाधव, मुकूंद तारू, इरफान मोमीन, सारस साळवी, अमोल जगताप, सचिन कांबळे, सुहास पोतदार,भाऊराव वारे यांच्या पथकाने केली आहे.