इंदापूर दि १३ :- इंदापूर येथील जेसीबीच्या अपहरणाच्या गुन्ह्यातील तीन वर्षांपासून पोलिसांना गुंगारा देणारा आरोपी पुणे ग्रामीण पोलिसांच्या हाती लागला आहे. दिनांक १५/९/२०१७ रोजी ५ वाजेच्या सुमारास पळसदेव येथील अनिल शिवाजी गुनवरे वय २७ वर्ष रा.पळसदेव ता.इंदापूर जि.पुणे असे घरी असताना त्यांचेकडे त्यांचे मित्र अमोल दिलीप जैन रा.सहकारनगर नवी सांगवी पुणे व अभिजीत उर्फ दादा पवार रा.पिंपळे गुरव, पुणे यांनी आम्हाला तुमचे जेसीबी मशीन आम्हाला भाड्याने द्या दरमहा आम्ही त्याचे फायनान्सचे हप्ते भरतो व महिन्याला ८० हजार रुपये देतो असे सांगून विश्वासाने जेसीबी मशीन घेवून गेले. परंतु महिना झालेनंतर फायनान्सचा हप्ता न भरता ठरल्याप्रमाणे ८० हजार रुपये न देता विचारणा केली असता उलट शिवीगाळ दमदाटी केली व जेसीबी मशीन ५,००,००० रुपयांचे घेउन जावून अपहार केला. अनिल शिवाजी गुनवरे वय २७ वर्ष रा.पळसदेव ता.इंदापूर जि.पुणे यांच्या फिर्यादीवरून इंदापूर पोलीस स्टेशनमध्ये गुन्हा दाखल करण्यात आलेला होता.या गुन्हयाचा समांतर तपास पोलीस निरीक्षक पद्माकर घनवट यांचे मार्गदर्शनाखाली LCB टिम करीत असताना गोपनीय बातमीदारा मार्फत मिळालेल्या बातमी वरून यातील पाहिजे आरोपी अमोल दिलीप जैन वय ३३ वर्षे रा.सहकारनगर, नवी सांगवी, पुणे सध्या रा.सिद्धशिला इला, बी ७०५, काटेवस्ती, पुनावळे, पुणे यास ताब्यात घेण्यात आलेले आहे.व विचारपूस केली असता त्याने जेसीबी अपहार केल्याचे कबुल केले.
सदर आरोपीची वैद्यकीय तपासणी करून पुढील कारवाईसाठी इंदापूर पोलीस स्टेशनचे ताब्यात दिलेले आहे.
सदरची कामगिरी ही पोलीस अधीक्षक डॉ.अभिनव देशमुख, बारामती विभाग अपर पोलिस अधीक्षक मिलींद मोहिते यांच्या मार्गदर्शनाखाली स्थानिक गुन्हे शाखेचे पोलिस निरीक्षक पद्माकर घनवट,पोसई रामेश्वर धोंडगे,पोहवा. महेश गायकवाड,पोहवा. निलेश कदम,पोहवा. सचिन गायकवाड,पोहवा.ज्ञानेश्वर क्षिरसागर,पोहवा. सुभाष राऊत,पो.ना.गुरुगायकवाड,पोहवा.काशिनाथ राजपुरे,पो.शि.दगडू वीरकर यांनी केलेली आहे.
श्रीगोंदा प्रतिनिधी :-विजय कुंडलिक मांडे