पिंपरी चिंचवड,दि.२४:- हिंजवडी परिसरात असलेल्या आयटी पार्क सूसरोडवर असलेल्या एका लॉज मध्ये तीन पत्ती जुगार खेळणाऱ्या सहा जणांना हिंजवडी पोलिसांनी अटक केली. ही कारवाई शुक्रवारी (दि. 23) मध्यरात्री साडेबारा वाजताच्या सुमारास करण्यात आली आहे. अटक केलेल्या आरोपींकडून एकूण साडेआठ लाखांचा मुद्देमाल जप्त करण्यात आला आहे
याप्रकरणी पोलीस अंमलदार राजाराम सराटे यांनी फिर्याद दिली आहे.
मिळालेल्या माहितीनुसार, सूसरोडवर असलेल्या एका लॉजमध्ये तीन पत्ती जुगार सुरू असल्याची गोपनीय माहिती हिंजवडी पोलिसांना मिळाली. त्यानंतर हिंजवडी पोलिसांनी छापा मारून कारवाई केली. यामध्ये सहा जणांना अटक करण्यात आली असून त्यांच्याकडून साडेआठ लाख रुपयांचा मुद्देमाल जप्त करण्यात आला आहे. पुढिल तपास हिंजवडी पोलीस करीत आहेत
