पुणे दि २२ :- ” 10 वी भारतीय पोलीस कमांडो स्पर्धा 2019 बक्षीस वितरण समारंभ समारोप समारंभ.सुबोध जयस्वाल (भा.पो.से.),पोलीस महासंचालक, महाराष्ट्र राज्य, मुंबई यांचे शुभहस्ते संपन्न या कार्यक्रमा प्रसंगी म्हणाले, कोणत्याही प्रकारच्या संकटाला सामोरे जाणारे कमांडो खडतर प्रशिक्षणानंतर सिद्ध होतात. म्हणूनच, खडतर प्रशिक्षण हेच कमांडोंच्या यशस्वी कामगिरीचे गमक आहे, असे मत राज्याचे पोलिस महासंचालक सुबोध जयस्वाल यांनी शनिवारी व्यक्त केले. रामटेकडी येथील राज्य राखीव पोलिस दलाच्या
मैदानामध्ये अखिल भारतीय कमांडो स्पर्धेचे आयोजन करण्यात आले होते. या स्पर्धेचे पारितोषिक वितरण जयस्वाल व माजी पोलिस महासंचालक राहुल गोपाल यांच्या हस्ते झाला. या वेळी महाराष्ट्र पोलिस दलाच्या फोर्स वन पथकाचे विशेष पोलिस महानिरीक्षक डॉ. सुखविंदर सिंह, नवीनकुमार रेड्डी, पोलिस आयुक्त डॉ. के. वेंकटेशम, पिंपरी-चिंचवडचे पोलिस आयुक्त संदीप बिष्णोई उपस्थित होते.जयस्वाल म्हणाले, “”एखादी अनुचित घटना घडल्यास किंवा दहशतवादी हल्ला घडल्यास त्याला तत्काळ प्रत्युत्तर देण्याचे प्रशिक्षण कमांडोंना दिले जाते. कमांडो प्रशिक्षणासाठी पात्र ठरलेल्या पोलिसांना खडतर प्रशिक्षणाला सामोरे जावे लागते. अतिशय खडतर प्रशिक्षणामुळेच ते सदैव तत्पर असतात. देशभरातील कमांडो प्रशिक्षण घेतलेले पोलिसांचे संघ या स्पर्धेत सहभागी झाले आहेत. या स्पर्धेच्या माध्यमातून त्यांना सिद्धतेचे प्रदर्शन करण्याची संधी मिळाली आहे.”या स्पर्धेत 15 राज्यांतील पोलिस दल, सात केंद्रीय निमलष्करी दलांचे 22 कमांडो संघ सहभागी झाले होते. त्यामध्ये 105 अधिकारी व 839 खेळाडू कर्मचारी सहभागी झाले आहेत.फोर्स वन पथक प्रथम या स्पर्धेत महाराष्ट्र पोलिस दलाच्या फोर्स वन पथकाने प्रथम क्रमांक पटकाविला. अन्य बक्षिसे व विजेते संघ पुढीलप्रमाणे ः बेस्ट पोलिस कमांडो टीम – बीएसएफ टीम, चिताह रन ट्रॉफी – एनएसजी व आटीबीपी टीम, रणनिती ट्रॉफी – महाराष्ट्र पोलिस टीम, ब्लॅक हॉक ट्रॉफी – महाराष्ट्र पोलिस टीम, चक्रव्यूह ट्रॉफी (जंगल) – बीएसएफ टीम, चक्रव्यूह ट्रॉफी (ग्रामीण) – महाराष्ट्र पोलिस टीम, कमांडो स्पर्धा – आयटीबीपी टीम, कमांडो कॉम्पिटिशन ट्रॉफी – बीएसएफ टीम, कमांडो कॉम्पिटिशन विनर – महाराष्ट्र पोलिस टीम.