नवी दिल्ली दि ०३ : -भाजपा प्रदेशाध्यक्ष श्री. चंद्रकांतदादा पाटील यांचा दिल्ली विधानसभा निवडणुकीत प्रचाराचा धडाका लावला आहे. श्री. पाटील यांनी आज दिल्लीतील विविध मतदार संघातील रहिवासी भागात प्रचारसभा झाल्या. तर काही ठिकाणी पदयात्रा काढून भाजपला मतदानासाठी मतदारांना आवाहन केले.श्री. चंद्रकांतदादा पाटील यांनी आज सकाळी शकूरबस्ती मतदार संघातील भारतीय जनता पक्षाचे उमेदवार डॉ. एस.सी. वत्स यांच्या प्रचारासाठी सैनिक विहारमध्ये सभा घेतली. यावेळी बोलताना श्री. पाटील म्हणाले की, “दिल्लीचे मुख्यमंत्री श्री. अरविंद केजरीवाल यांनी गेल्या निवडणुकीत दिल्लीकरांना अनेक अश्वासने दिली. मात्र, त्यापैकी एकही पूर्ण केले नाही. तर पंतप्रधान नरेंद्र मोदी यांनी देशातील जनतेसाठी अनेक योजनांद्वारे सोईसुविधा उपलब्ध करून दिल्या. उज्ज्वला सारख्या योजनेमुळे लाखो गरीब कुटुंबांना मोफत गॅस कनेक्शनचा लाभ मिळाला.” या प्रचार सभेला उत्तराखंडचे मुख्यमंत्री त्रिवेंद्र सिंहजी रावत, उत्तराखंड भाजप सचिव अनिलजी गोयल, राजेश परुथी, गीता गुलाटी, भाजपा महिला मोर्चाच्या राष्ट्रीय सचिव पूजाजी कपिल मिश्रा, महाराष्ट्र भाजपचे राज पुरोहित यांच्यासह परिसरातील नागरिक मोठ्या संख्येने उपस्थित होते.
यानंतर दुपारी आदर्शनगर विधानसभा मतदारसंघाचे भाजप उमेदवार राजकुमार भाटिया यांच्या निवडणूक प्रचारार्थ अनेक ठिकाणी प्रचारसभा झाल्या. यामध्ये मुलचंद कॉलनीतील झोपडपट्टी भागात चौक सभा घेऊन येथील मतदारांना मतदानासाठी आवाहन केले. तर जहांगीरपूरी परिसरातील गुजराती वस्तीमध्ये आयोजित विशाल प्रचारसभेला संबोधित केले. या सभेला स्थानिकांचा मोठा प्रतिसाद होता. यावेळी दिल्ली भाजपा अध्यक्ष मनोज तिवारी यांच्यासह स्थानिक नगरसेविका गरिमा गुप्ता, मुकेश गुप्ता, भाजपचे ज्येष्ठ कार्यकर्ते अरुणजी गुप्ता आणि भाजपचे इतर पदाधिकारी उपस्थित होते.यानंतर संध्याकाळी शिवाजीनगर परिसरात पदयात्रेचे आयोजन करण्यात आले होते. या पदयात्रेदरम्यान परिसरातील शिव मंदिर येथे भाजप कार्यकर्त्यांच्या वतीने पथनाट्यचे आयोजन करण्यात आले होते. या पथनाट्यचा आस्वाद घेतला. यानंतर घरोघरी जाऊन संपर्क केला. या जनसंपर्क अभियानाला तरुण, वयोवृद्ध नागरिक आणि महिलांकडून चांगला प्रतिसाद मिळाला. या पदयात्रेत भाजपचे स्थानिक कार्यकर्ते मोठ्या संख्येने सहभागी झाले होते.