पुणे,दि.२० :- बाणेर परिसरात गांजा विक्री करणाऱ्या दोन इसमांना पोलिसांनी अटक करत मोठी कारवाई केली आहे. १६ मार्च २०२६ रोजी मिळालेल्या गुप्त माहितीच्या आधारे ही कारवाई करण्यात आली.
पोलीस निरीक्षक (गुन्हे) अलका सरग आणि त्यांच्या पथकाने ज्युपिटर हॉस्पिटलजवळ सापळा रचला. रात्री सुमारे ९.३० वाजण्याच्या सुमारास संशयित दोन इसम मोटारसायकलवर येताना दिसले. पोलिसांनी त्यांना थांबवून चौकशी केली असता त्यांची नावे अभिषेक भिका बोऱसे (वय २४) आणि अक्षय भिका बोऱसे (वय २१) अशी असल्याचे समोर आले.
त्यांच्याकडील बॅगची तपासणी केली असता सुमारे ३.०३४ किलो गांजा आढळून आला. यानंतर त्यांच्या राहत्या घराची झडती घेतली असता आणखी १३.०८८ किलो गांजा, इलेक्ट्रॉनिक काटा, चिकटपट्टी तसेच इतर साहित्य असा एकूण सुमारे ६.५५ लाख रुपयांचा मुद्देमाल जप्त करण्यात आला.
या प्रकरणी बाणेर पोलीस ठाण्यात एनडीपीएस कायद्यानुसार गुन्हा दाखल करण्यात आला असून पुढील तपास सुरू आहे.
