पुणे दि १०: – “भाई “ला वाढदिवसाच्या शुभेच्छा देण्यासाठी येरवडा जेलबाहेर फटाक्याची आतषबाजी करत त्याचा व्हिडिओ सोशल मीडियावर व्हायरल केल्याचा धक्कादायक प्रकार नुकताच उघडकीस आला आहे.खून – मारामारी अशा गंभीर गुन्ह्यातील सराईत गुन्हेगार आकाश कंचिले याच्या
वाढदिवसानिमित्त येरवडा जेल बाहेर त्याच्या समर्थकांनी फटाक्याची आतषबाजी केली. एवढ्यावरच न थांबता या सेलिब्रेशनचे व्हिडीओ सोशल मीडियावर व्हायरल केले.या घटनेमुळे परिसरातील भाईंच्या टोळ्यांचे प्रस्थ दिवसेंदिवस वाढत आहे. येरवड्यातील गुन्हेगारी टोळ्यांची वाढती संख्या, त्यामुळे परिसरात गुन्हेगारी यावर पोलिसांनी अंकुश ठेवणे आवश्यक आहे. आकाश कंचिले याच्यावर खून मारामारी असे गंभीर स्वरूपाचे गुन्हे दाखल आहेत. लॉकडाऊन काळात येरवडा जेल मधून सुटलेल्या नितीन कसबे याचा शादल बाबा चौकात अवघ्या काही तासात आकाश कंचीले व त्याच्या टोळीतील सदस्यांनी अत्यंत निर्घृणपणे खून केला होता.
या खूनाच्या गुन्ह्यात त्याला अटक करण्यात आली असून तो या गुन्ह्यात येरवडा जेलमध्ये आहे. येरवडा परिसरात असणारे त्याचे समर्थक यांची अजूनही दहशत आहे. शुक्रवार 5 फेब्रुवारी रोजी त्याचा वाढदिवस होता. त्याच्या समर्थकांनी येरवडा जेल बाहेरील एअरपोर्ट रस्त्यावर फटाक्यांची आतषबाजी केल्याचा व्हिडीओ तयार करून सोशल मीडिया वरून वायरल केला आहे.
खुनाच्या प्रयत्नाचे गुन्हयात फरारी असणारे व येरवडा जेल येथे फटाके वाजवुन वाढदिवस साजरा करणारे सराईत गुन्हेगारांना युनिट ४ गुन्हे शाखा पुणे यांनी केले जेरबंद येरवडा पोलीस स्टेशन येथे दोन गुन्हयामध्ये पाहिजे असलेला आरोपी नामे प्रज्वल मधुकर बाराले ऊर्फ चोर पंजा यय २० वर्षे रा . नवी खडकी , येरवडा , पुणे व त्याचा विधी संघर्षित साथीदार यांनी दि . २६/०१/२०२१ रोजी शंकर मंदिरा समोर , भाजी मार्केट , चित्रा चौक , येरवडा , पुणे येथे त्यांचे इतर साथीदारांसह बेकायदेशीर जमाव जमवुन , हातात कोयते घेऊन परिसरात दहशत निर्माण करुन यातील फिर्यादी यांना जिवे ठार मारण्याच्या उद्देशाने कोयत्याने वार करुन गंभीर जखमी केले होते . त्याबाबत येरवडा पोलीस स्टेशन येथे गुन्हा दाखल असून स्थानिक पोलीस त्यांचा शोध घेत होते . सदर गुन्हयात फरार असतानाचे काळातच त्यांनी येरवडा कारागृहाचे परिसरात आकाश कंचिले याचा वाढदिवस फटाके वाजवून साजरा केला होता . सदर बाबत येरवडा पोलीस स्टेशन येथे स्वतंत्र गुन्हा दाखल आहे . सदर दोन्ही गुन्हयांचा युनिट ४ गुन्हे शाखा पुणे हे समांतर तपास करत असताना , युनिट ४ गुन्हे शाखेकडील पो.हवा . ८७३ नागेश कुंवर व पो.अंमलदार ८२ ९ ३ रमेश राठोड यांना गोपनीय बातमीदारामार्फत बातमी मिळाली की , सदरचे पाहिजे आरोपी हे काळेवाडी स्मशान भुमी येथे येणार असल्याची अशी खात्रीशिर बातमी मिळाल्याने मा . पोलीस निरीक्षक युनिट ४ गुन्हे शाखा पुणे यांनी सदर आरोपींच्या शोधाकरिता योग्य त्या सूचना देऊन टीम तयार केली . त्यानुसार काळेवाडी स्मशान भुमी येथे युनिट ४ कडील अधिकारी व अंमलदार यांनी सापळा रचून त्यांना ताब्यात घेऊन येरवडा पोलीस स्टेशन येथे दाखल असलेल्या दोन गुन्हयांचे पुढील कायदेशिर कारवाई करिता येरवडा पोलीस स्टेशनच्या ताब्यात दिले आहे . सदरची कारवाई अपर पोलीस आयुक्त , गुन्हे अशोक मोराळे , पोलीस उप आयुक्त गुन्हे बच्चन सिंह , सहा पोलीस आयुक्त गुन्हे -२ लक्ष्मण बोराटे , पोलीस निरीक्षक रजनिश निर्मल यांचे मार्गदर्शना खाली सहा . पोलीस निरीक्षक संदिप जमदाडे , पोलीस उपनिरीक्षक शशिकांत शिंदे , सपोफी शंकर पाटील , पोलीस अंमलदार रुपेश वाघमारे , नागेश कुंवर , राजस शेख , दिपक भुजबळ , विशाल शिर्के , प्रविण कराळे , रमेश राठोड , दत्ता फुलसुंदर व अक्षता विसापुरे यांनी केली आहे .