पुणे : पुणे शहरातील कोंढवा परिसरात दहीहंडी उत्सवादरम्यान अग्निशस्त्रांचा वापर करून परिसरात दहशत निर्माण करणाऱ्या सराईत गुन्हेगारांच्या टोळीवर पुणे पोलिसांनी महाराष्ट्र संघटित गुन्हेगारी नियंत्रण कायद्यान्वये (मोका) कारवाई केली आहे. या कारवाईत टोळीप्रमुख आकाश वसंत कंचिले याच्यासह आठ जणांना अटक करण्यात आली असून, एक आरोपी अद्याप फरार आहे.
कोंढवा पोलीस ठाण्याच्या हद्दीत दहीहंडी उत्सवादरम्यान शस्त्रांचा वापर करून दहशत निर्माण केल्याप्रकरणी संबंधित आरोपींविरुद्ध गुन्हा दाखल करण्यात आला होता. या गुन्ह्याच्या तपासादरम्यान आरोपींची संघटित गुन्हेगारी टोळी असल्याचे निष्पन्न झाल्याने पोलिसांनी त्यांच्याविरुद्ध मोकाअंतर्गत कारवाई केली.
या टोळीचा प्रमुख आकाश वसंत कंचिले (रा. ही कारवाई पोलीस आयुक्त अमितेश कुमार, सहपोलीस आयुक्त संजय दराडे, अपर पोलीस आयुक्त मनोज पाटील, पोलीस उपआयुक्त राजलक्ष्मी शिवणकर आणि सहायक पोलीस आयुक्त रामदास इंगळे यांच्या मार्गदर्शनाखाली करण्यात आली.
कोंढवा पोलीस ठाण्याचे वरिष्ठ पोलीस निरीक्षक संतोष खेतमाळस, गुन्हे निरीक्षक प्रशांत मंडले, संतोष चौधरी आणि तपास पथकातील अधिकारी व कर्मचाऱ्यांनी ही कामगिरी केली.




























