वाहनचोरी करणारा आरोपी जेरबंद; 90 हजारांच्या ४ मोटारसायकली जप्त, ४ गुन्ह्यांची उकल फरसखाना पोलिसांची कामगिरी

पुणे,दि.२६ :- वाहनचोरीच्या वाढत्या घटनांवर अंकुश ठेवण्यासाठी फरसखाना पोलिसांनी उल्लेखनीय कामगिरी करत एका सराईत वाहनचोराला अटक केली आहे. आरोपीकडून सुमारे 90 हजार रुपये किमतीच्या ४ मोटारसायकली जप्त करण्यात आल्या असून फरसखाना पोलीस ठाण्याच्या हद्दीतील ४ वाहनचोरीचे गुन्हे उघडकीस आले आहेत.
पोलीस आयुक्त अमितेश कुमार यांच्या सूचनेनुसार फरसखाना पोलीस ठाण्याचे वरिष्ठ पोलीस निरीक्षक संदीप देशमाने यांच्या मार्गदर्शनाखाली तपास पथकाने गुप्त माहितीच्या आधारे रामेश्वर दशरथ बोडखे (वय ३२, रा. बुधवार पेठ, पुणे) याला ताब्यात घेतले. चौकशीत त्याने ४ मोटारसायकली चोरल्याची कबुली दिली.
यानंतर पोलिसांनी आरोपीला अटक करून त्याच्या ताब्यातून चोरीच्या ४ मोटारसायकली जप्त केल्या. या कारवाईमुळे फरसखाना पोलीस ठाण्याच्या हद्दीतील ४ गुन्ह्यांची उकल झाली असून पुढील तपास सुरू आहे.
ही कारवाई वरिष्ठ अधिकाऱ्यांच्या मार्गदर्शनाखाली पोलीस निरीक्षक राजेश महाला, उपनिरीक्षक राजेंद्र पाटोळे, प्रणील चोगले तसेच पोलीस अंमलदारांच्या पथकाने यशस्वीरीत्या पार पाडली.