पहाटेपर्यंत हॉटेलमध्ये दारू पार्टी; ६ तरुणींसह ३० जण पुणे शहर पोलिसांनी घेतली ताब्यात

पुणे,दि२६ : -विमाननगरमधील सोकोरेनगर, एअरपोर्ट रोडवरील ऐका हॉटेलमध्ये पहाटे साडेचार वाजेपर्यंत कर्णकर्कश आवाजात संगीत पार्टी आणि मद्यविक्री सुरू असल्याचा प्रकार उघडकीस आला. विमाननगर पोलिसांनी छापा टाकून हॉटेल मालकासह सात जणांवर गुन्हा दाखल केला आहे.
पोलिसांनी कारवाई केली त्यावेळी हॉटेलमध्ये सहा तरुणींसह सुमारे ३० जण दारूच्या नशेत नाचत असल्याचे आढळून आले. सहा तरुणींची ब्रेथ अ‍ॅनालायझरद्वारे तपासणी केली असता त्यांचे अहवाल पॉझिटिव्ह आले. उपस्थित २४ पुरुषांना वैद्यकीय तपासणीसाठी ससून रुग्णालयात पाठविण्यात आले.होते
हॉटेल मालक नितीन दिवाकर जाधव, युवराज प्रमोद नायडू, मॅनेजर दीपक रामचंद्र कांबळे यांच्यासह कामगारांविरुद्ध गुन्हा दाखल करण्यात आला आहे. पोलिसांनी हॉटेलमधून ७ हजार ६९० रुपयांच्या मद्याच्या बाटल्या, साऊंड सिस्टीम व इतर साहित्य जप्त केले.
स्नुकर टेबलचा व्यवसाय करण्याच्या नावाखाली हॉटेलमध्ये पार्टी आयोजित करून बेकायदा मद्यविक्री व मद्यपुरवठा केला जात असल्याचे पोलिसांच्या कारवाईत समोर आले. या प्रकरणाचा पुढील तपास पोलीस उपनिरीक्षक कांतीलाल गुंड करीत आहेत.