पद्मशाली बहुउद्देशीय संस्थाच्या वतीने विद्यार्थ्यांना मोफत शालेय साहित्य वाटप

पुणे, दि.१८:- पद्मशाली बहुउद्देशीय संस्थेचे वतीने
पुणे येथील भवानीपेठ येथील बाल विकास संस्था संचलित बाल जीवन विकास प्राथमिक शाळेत हुशार होतकरू आणि गरजू विद्यार्थ्यांना शैक्षणिक साहित्य प्रत्येकी चार वह्या ,ऐतिहासिक विविध महापुरूषांचे थोरांची गोष्टींचे पुस्तके आणि संविधानाची प्रत वाटप कार्यक्रम संस्थेचे अध्यक्ष चंद्रकांतशेठ मिठ्ठापल्ली यांचे अध्यक्षते खाली महाराष्ट्र राज्य पद्मशाली संघमचे सहसचिव गणेश शेरला, महाराष्ट्र राज्य पद्मशाली महिला संघमचे अध्यक्षा तथा पद्मशाली शिक्षण संस्था सोलापूर चे विश्वस्त संगीताताई इंदापुरे , पद्मशाली बहुउद्देशीय संस्थेचे उपाध्यक्ष बद्रीनाथ जन्नू यांचे हस्ते करण्यात आले. यावेळी प्रमुख पाहूणे म्हणून सामाजिक कार्यकर्ते यशवंत इंदापुरे,उद्योगपती नरसिंग राजकोंडा, शाळेचे माजी विद्यार्थी विलास मद्देल, शाळेचे सचिवा मामील उपस्थित होते.
प्रथम मान्यवरांचे हस्ते सरस्वती पुजन करून व्दिप प्रज्वलन केले. त्यानंतर संस्थेचे वतीने सर्व उपस्थित मान्यवरांना नारळ आणि बुके देऊन सत्कार केले. यावेळी गणेश शेरला यांनी मार्गदर्शन भाषणांत यापुढे शाळेतील होतकरू विद्यार्थ्यांना शैक्षणिक मदत वेळोवेळी देण्यास तयार असलेचे सांगितले. तसेच डॉ. बाबासाहेब आंबेडकर यांचा विचार व वारसा पुढे चालवत शिक्षणामुळे आपण यशाचे शिखर गाठू शकतो आणि आई-वडिलांचे स्वप्न पूर्ण करण्यासाठी जीवनाचे रान करत यश संपादन करा. विद्यार्थ्यांना शिक्षणाचे महत्त्व पटवून देत परीश्रम ,जिद्द आणि चिकाटी ने ज्ञानाचा बळावर यश संपादन केले पाहिजे असे म्हटले. संगीताताई इंदापुरे यांनी गोष्ट रूपात परिस्थिती चा बाऊ न करता शिक्षण घ्यावे आणि जीवनात यशस्वी व्हावे असे सांगितले. विलास मद्देल हे या शाळेचे विद्यार्थ्यी असल्याचे अभिमानाने सांगितले. यशवंत इंदापुरे यांनी शाळेसाठी माजी विद्यार्थ्यी संघटनेचे स्थापन करून त्यामार्फत शाळेसाठी सहकार्य करावे असे सुचविले.
सदर कार्यक्रम यशस्वी होणेसाठी बद्रीनाथ जन्नू अश्विनीकुमार चिन्नी, लक्ष्मण संगा, अशोक दुडम, तसेच अंबिका उटकूर ,रूपाली गादिया , शबाना इनामदार, शरद कुदळे, यांनी परिश्रम घेतले.