पुणे,दि.१८ :- महापालिका आयुक्तांच्या आदेशानुसार अतिक्रमण/अनधिकृत बांधकाम निर्मूलन विभागाने शहरातील विविध भागांत मोठी कारवाई करत अनधिकृत बांधकामांवर हातोडा चालवला. उपआयुक्त सोमनाथ बनकर व मुख्य सुरक्षा अधिकारी तथा सहाय्यक अतिक्रमण/अनधिकृत बांधकाम निर्मूलन विभाग प्रमुख डॉ. रमेश शेलार यांच्या नियंत्रणाखाली बुधवार (दि. १८ फेब्रुवारी २०२६) रोजी सकाळी ९ वाजता ही मोहीम सुरू करण्यात आली.
खराडी पेठ परिसर, बाणेर-सुस रस्ता बीडीपी झोन तसेच हडपसर नवीन हद्दीतील चिंतामणी नगर व दुगड नगर परिसरात ही कारवाई करण्यात आली. कारवाईदरम्यान कच्चे व पक्के शेडसह विविध प्रकारचे अनधिकृत बांधकाम हटवण्यात आले. एकूण ३०,६०० चौरस फूट क्षेत्रफळावरील बांधकाम निष्कासित करण्यात आले.
या कारवाईसाठी बांधकाम विकास विभागाचे कनिष्ठ अभियंता प्रवीण भावसार व राहुल सोरटे, उपअभियंता विवेक डूब्बेवार तसेच उमेश गोडगे, विष्णू तौर, अजित सणस, संदीप चाबुकस्वार, विश्वनाथ बोटे, राजेश धुमाळ आदी अधिकारी व कर्मचारी उपस्थित होते.
मोहीम सुरळीत पार पडण्यासाठी पुणे मनपा पोलीस कर्मचारी १२, एमएसएफ जवान २५, जेसीबी ४, गॅस कटर ३, ब्रेकर ३, अतिक्रमण निरीक्षक व सहाय्यक अतिक्रमण निरीक्षक ६ तसेच ३५ विगारी सेवक यांची मदत घेण्यात आली.
महापालिकेने शहरातील अनधिकृत बांधकामांविरोधातील कारवाया पुढेही सुरू राहणार असल्याचा इशाराही दिला आहे.
